قبيلة بني رشيد - للجميع لازم تدخلوا ضروري

ليه بس نجلس على النت ساعات وساعات بطيب ....ونسمع دعاء الله وما نستجيب ...لو تركنا اللهاة ...وقمنا بهمة للصلاة... فيها شيء هاذي انا اشوفها ماهي صعبة عادي........
ليه بس تروح البنت للسوق متكحلة ومتعطرة وحجابها مركون... يعني تحب للجميع تكون... لو تحجبت زين..... ورجعت بيتها واتمكيجت واتعطرت واتشيكت واتكحلت في العين... فيها شيء هاذي انا اشوفها ماهي صعبة عادي........
ليه بس الولد يشوف المباراة ويصيح ويسب ويلعن وينيح ليش ما يستمتع ويجلس ويقوم... ويضحك ولو مهزوم... فيها شيء هاذي انا اشوفها ماهي صعبة عادي.....
لية بس نحش في المجالس..... ولاكإنه اَلمَلك معانا جالس يكتب ويدون كل صغيرة وكبيرة... وتتجمع علينا سيئات كبر الديرة.. مو نقول خير احسن ونركد..... ونروح جنه الخلد ونخليها سكن ونهجد ......فيها شيء هاذي انا اشوفها ماهي صعبة عادي............
ليه بس يا ولد بالسيارة تسرع..... وتعور قلب اهلك وتظن انك مبدع ...نسيب حبيبي ان السياره مي امان... وممكن تروح لاقدر الله في خبر كان ...امشي على مهلك ور اقب ....وتذكر ان فيه الله يحاسب.... فيها شيء هاذي انا اشوفها مي صعبه عادي....
ليه بس البنت تحبلها بنت والولد يحب الولد... مانخاف من الواحد الأحد.... لو نترك الغريزة تسير ....ونتركها للتيسير..... او نستني النصيب ..ونفوز بالحبيب...... فيها شيء هاذي انا اشوفها مي صعبة عادي.........
ليه بس تشتكي من الوحدة دوم... وتحسس غيرك انك مظلوم... وتارك امك أوابوك حيران... محبوسين بين اربع جدران ليش يااخوي ماتخرج من غرفتك لهم وتحكي معاهم... يمكن تكسب رضاهم...... فيها شيء هاذي انا اشوفها مي صعبة عادي ..............
لية بس لما نسوي وليمه وتكون ليلتنا افراح... نبذر ونقلبها في النهاية اتراح..... ونتعذر بانة كرم جازم... ونذبح اكثر من اللازم... ويروح الزائد في الزباله ...ونعتبر انه مجاعه الصومال والفقراء حثالة ..ليه مانذبح على القد ونتجمل يمكن الله يتقبل....... فيها شيء هاذي انا اشوفها مي صعبة عادي.......
لية بس لمن نزعل على طول نثور ...ويكون تصرفنا مثل الثور... لازم نخلي خط الرجعه والود والوصال... يمكن ترجع الأمور لطيب الحال... ساعتها مانندم على التسرع والجور ...ونقول ياليت ماهاج الثور .....فيها شيء هاذي انا اشوفها مي صعبة عادي......
لية بس مانشعر اننا حطينا المرأة في حياتنا صف ثاني ترا.... نمشي في السوق قدام وهيا ورا.... ليش ماتكون جنبنا جيدها في جيدنا... نتحرك واحنا ماسكين ايدها ....تراها نصنا الثاني كلها كرم وجود... المفروض اذا جات سيرتها نقول ونعم والله ماعليك زود...... فيها شيء هاذي انا اشوفها مي صعبة عادي..........
ليش بس الرجل يحلل لنفسة اشياء .....ويحرمها على باقي النساء مو الله خلقنا وسمانا بشر وناس.... يعني مافي لاعام ولاخاص... ليه العيب مانشوفوا فينا... واذا سوتوا البنت ماهدينا..... لازم نتدارك الوضع ونعتبرها كيان.... عشان هي اعظم انسان.... فيها شيء هاذي انا اشوفها مي صعبة عادي.....
ليه بس نزعل على بعض في المنتدى..... ونطلب من الجميع الرد زي المطر والندى.... المهم نكتب اللي نشوفة صح.... حتى لو الردود كانت بح....... فيها شيء هاذي انا اشوفها مي صعبة عادي....
لية بس انا كتبت كلامي اكيد هدية من اخوكم الراقي يمكن يفيدكم شوي وتدعولي في الرايح والجي نصائح قلتها عفوية لقلوب الأعضاء الندية يمكن انا وانتوا ننفذها ونذاكرها ونحفظها اذا عجبتكم ردوا علي يمكن ازيد منكم ضي فيها شيء هاذي انا اشوفها مي صعبة عادي.............
الكلام في هذا الموضوع كثير كثير كثير...... لكن انا شايف انه من المفيد التقصير..... حاولت اوصل المعلومة بطريقة السهل الممتنع... يمكن اللي يقرأ يقتنع.... انا شايف ان كلامي هادي... يارب ماتقولوا معليش صعب مانقدر ننفذة عاااااااادي
اخـــــــوكم / احــــمــــــد المهيمزي