سلام مني للزميل الشاعر الطيب جميل = سلام وافي والحقيقه واضح(ن) مدلولها
بغوص في بحر الشعر وأكتب على البحر الطويل = وأهديك من بحر الشعر صافي واغلى لولها
يبقى القصيد الجزل رمز(ن) مايقارن بالهزيل = وماكل شاعر ياجميل يقولها ويطولها
خالطت بالدنيا كثير وشفت منهم مايهيل = ولقيت هقواتي ببعض الناس ماني بحولها
أوفيت ما أبغا من عباد الله شكر ولا جزيل=ابغا عباد الله تقدر وقفتي بوصولها
لاكن لقيت الناس شكاكه بلا حق ودليل=ترميك بالظن الردي..وتجننك في قولها
والشاهد الله مالهم في ذمتى طيب وجميل=ولاني بهم كاسب ردى..والناس حسب ميولها
وبختامها احلى تحية طيبه وما انت بقليل=شاعر ومتمكن وتفهمها وعطني حلولها

فيك البقا ياصاحبي والشعر بخياله يخيل=سحابةًٍََِْ ترزم شعر والشعر من هملولها
أنا اشهد انك من رجالٍ لا عتزوا وقت الصهيل=المشيخه ترقى لها يومنهم يسعوالها
انا اشهد انك بالشعر لاانته حريص ولا بخيل=يوم العرب وقت الرخا تسمع حسيس اطبولها
با ارقى على متن السحب واشفيلكم صدرٍ غليل= ابغا قليل المعرفه يقول ماني بحولها
اشقيتها لين استوت واشعلتها نار بفتيل=اقدح زنادي والمشاعر قدها وتطولها
فيني عموله نادره والبدو نزال ورحيل=اليا سمعوا ذكر الربيع بديرةٍ شدوا لها
دام الحياه اشكالها بين الرجا والمستحيل=ناسٍ تقدرها والاخرى تمنعك بفعولها
هذي حياة الادامي والذكر يبقاله حصيل=يبين ديكور الامور ويثبتن اصولها
اعلنتها واحكم عليها ياسعد ولد كميل=عنونتها ساعت رضا حكمتها فعقولها
وانت انتبه لا تصير مثل اللي على العمياء يشيل=خبلٍ يفلي بالفلافل قبل يمطخ فولها