تعال يلـي تبعدنـا وتقـرب قريـب=عندي علومن نبـا نفتـح مكاتيبهـا
نويت اصفي حسابي معك وانت اللبيب=واهل المكاسيب تفرح في مكاسيبهـا

جيتك وانا صاحبك سرحان والذيب ذيب=واهـل المطاليـب اوفيهـا مطاليبهـا
إذا تبيها بطيب اقابـل الطيـب طيـب=وإذا تبيها مصيب اصبر على مصيبهـا

الله يحييك والمنطوق ماهو غريب=لاكن الاصحاب ماتبغاء لاصحيبهـا
اليا نوينا القشر مافيه دربن صعيب=ماضن تجهل بها وذنيك توحيبهـا

الله يبقيك لـو قلبـك دخـل فيـه ريـب=لكـان ودك تجيـب السالـفـه جيبـهـا
شف ويش ربك يجيب وش يحوش النصيب=الاشعريـه عـوى مـن جوعهـا ذيبهـا

ليتك تقول الحقيقه شمسهـا ماتغيـب=واهل المواجيـب تعطيهـا مواجيبهـا
بعض الرجاجيل فيها الضن ضنن يخيب=وبعض المواقيف ماتحمـد عواقيبهـا

تبغى الحقيقه مريض وعلتك ماتطيب=اهل المواجيب ما تطلـب معازيبهـا
ياهوه قلي علامك يوم تقنب قنيـب=ترا الليالي ما نعلم وش ورا غيبهـا

انا سألتك بربن فوق خلقه رقيب=انك تقـول الحقيقـه لاتلويبهـا
السر في بير يارجال وسط القليب=اعلومكم ياعـرب والله وديبهـا

عزالله انك تبا صاحبك عنكـم يغيـب=ابك العرب داري ٍ في شكهـا وريبهـا
وانا ابدي السر لك عندي تقل فيه عيب=بعض الدعاوي تجي وتـروح ماليبهـا

لالا مابغاك تزعـل مننـا يالحبيـب=اليا رضيتوبهـا صاحبـك رضيبهـا
الديس معروف مايخرج ياغير الحليب=هذي حقيقه وكـل النـاس تدريبهـا

امن البدايه مهلهل يحتري ياكليب=مير المطيه رسنها فـي عرقيبهـا
ترا الأدب مايقل مع الشهم والأديب=وألا المسفه تراها منفري جيبهـا