يا مفسر الاحلام طال الوقت والدنيا تدور=تطمر شبر ترجع شبر مالك مكان ولا مقر
اعرفك زين وميز الاسما وتعرف بالسطور=اني على الشعار مثل النار ياكلها الجمـر

مقري المعروف والاحسان والقلب الجسور=وان جاك علمى مايجيك الاكما الموت الحمر
يالاشقر اللى منت حر ولا ذكرنابك قصور=انته على الشعار مثل الظل من بعد العصر

ابنشدك من هو عطاك اليوم تأشيرت عبـور=وخلاك مابين الاراضي والسما فوق وحـدر
انته على اسم النبي الـي نعرفـه ومخبـور=يطلع بتال الوقت وسط القدس ويذبح هالاعور

وشلون تنشدنى وعندك علم واحساس وشعور=يا لا شقر اللى ماتبين الا بعد عيد الفطر
اسمى على ما قلت لاكن لا تلف و لا تد ور=والعرف من بين الرجال الله يديمه يابشر

انته تعشيت الغدى مـدري تغديـت الفطـور=اخذتها مني وبنـت اليـوم واضـح كالقمـر
بالملعبه مثل الجفر بالمنتـدى مثـل الصقـور=مير الصقر الي سواتك مايجي منه خطر

يالاشقر اللى ماتغدا غير من لحم الجزور=افوح لك عود الملوك وينتثر دم الوبر
الملعبه فى مثل الاشقر ما هقينا هاتبور=لون الاشقر من زمانه صابه جنون البقر

يا مفسر الي فسر الاحلام وشارب له خمور=طافت عليك الاوله واثريك ماعنـدك نظـر
الزرع ما ينبت ترا اذا ما حطيـت البـذور=حكمه مفيده خلها وياك لـو طـال الدهـر

خلك عدل واهرج عدل والا انت طير من الطيور=الأوله طافت وانا طوفتها علم وخبر
يالاشقر اللى تا خذ الارزاق من بين الصخور=لاتحسب ن السالفه عندى تطوف بلا عذر

ان كانها طافت ذكا منت من الاسم معـذور=وهذي نتيجه تعتبر الصالحي واحـد صفـر
انا اشهد انك شاعرن مغرور ذابحك الغرور=اهل الكبر واهل المنافق تنحشر وسط القبر

استسمحك ياصاحبى ياللى كلامك فيه زور=الزور والبهتان عندك هقوتى طول العمر
الكبر لله وانت يمكن لرجاجيل مخبور= دور يمين ايسار والافالبطن والا فالظهر

اخذ النصحيه يا ولـد ورتـاح فـي ظـل القصـور=لو كل من قام ونجر ما ظل بالوادي شجر
الصبر زين ومنت يا مفسـر علـى الدنيـا صبـور=مخبـور هـذي ساريـه ومقابلـك عـلـه نـحـر

يالاشقر ابشقرك واهديك الك سلة عطور=واعلمك علم الكرامه والمعرفه والفخر
اصبر على بلواك كان انك بهدنيا غيور=لاتقول هذى ساريه والثانيه راحت فجر