قبيلة بني رشيد

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - الحلم (http://ban3abs.com/aa/showthread.php?t=47382)

ياشعر ياقيفـان لبـي لـه ليـا منـه دعـاك

شاعرك لا منه بدا في قافـه الجـزل احبكـه

ينظم على سبع البحور ولا لفى الهاجس نصاك

والشعـر كـون واسـع واناالمغامـر بفلكـه

من لا يدوس الكايده يبقـى بوضـع الارتبـاك

واللي يشد ويحزم امره كـل صعـب يدركـه

ولو صار بينه والدهر وقفه وعثره واحتكـاك

يصبر على المكتـوب لامـن جـاء وعقلـه

وانا على الشده صبور ومالك الوقت امتـلاك

والحلم الاول والاخير الفـوز بعـد المعركـه

بدار غربه نطلب الناموس لـو دونـه هـلاك

الحلم حوت عام في الامواج والحـظ شبكـه

مايكشف الخافي ولاسيطر على كوني سـواك

يانور دربي ياهجوس الشعـر اميـره وملكـه

دمرت قلب هايم بحبـك وانـا اتـذوق عنـاك

وحب بلا طعم العناء والصبـر مافيـه بركـه

خان السراب اللـي يدورلـك ويتمنـا لقـاك

سلكتني كـل الـدروب الموحشـه والمهلكـه

ان جيتني بعـد الغيـاب افـز والبـي نـداك

وماقدر اعبر بـس قدامـك صـور متحركـه

حكيك درر امرك امر ممشاك بالدنيـا مـلاك

ماياقف بوجهك رجـل لـو الرجـال محنكـه

اناوشعري والغرام نجوم فـي عالـي سمـاك

يادرة القلب الحزيـن اللـي عيونـك تربكـه

ان جيتني بعـد الغيـاب افـز والبـي نـداك

وماقدر اعبر بـس قدامـك صـور متحركـه

يعطيك الف عافية وصح لسانك

بدار غربه نطلب الناموس لـو دونـه هـلاك
الحلم حوت عام في الامواج والحـظ شبكـه

صح بدنك يالقنبلة الذرية

صحت ابدانكم جميع والله لايهينكم على المرور الجميل

صحيح انا جديد على المنتدى الرائع بس اوعدكم بالافضل والاجمل في القادم باذن الله،،،،،،تحياتي

عفوااااااا

ولو صار بينه والدهر وقفه وعثره واحتكاك يصبر على المكتوب لامن جا وعقله يملكه

شاعر مبدع هذا اللي اقدر اقوله والله اني استمتع بالققصيدة....وافينا بجديدك لأني كل فترة ابحث عن قصيدك

مشكور على القصيده