![]() |
الكابتن والمحيط الهادي
اكابتن المحيط الهادي اللي غاب له مده طويله=وين غاب وليت يعطينا خبر سبة غيابه أدري إنه شاعر ٍمحسوب وبيوته جميله=مرحبابه يوم شفت إسمه معانا مرحبابه المحيط الهادي البقا بك عـد ماهلـت هماليـل المخيلـه=يالصحيب اللي مع الشعار لك قدر ومهابه غيبتي عنكم تراها أيـام وشهـور قليلـه=غبت فيها يوم شفت الناس كل صك بابـه الكابتن إقلط إقلط وإلك فنجال ٍيساق يعط هيلـه =وشرب الفنجال من كف المعزب لا تهابه المهم ان الغياب اللي حصل يجهل دليله=والحقوق مثبته باالشرع والا باالنيابـه المحيط الهادي والله أنا ما ماوردنا غيـر بحبـال طويلـه=نجذب الماء لو يلج الضلع من صوت الذيابه ياوسيع المعرفه كـل يبـا يلقـا حصيلـه=لو شعوب المنطقه كل مسوي له عصابـه اكابتن انت وافي مير لا تحلم تصل للمستحيلـه=الليالي لونها واحد ولكـن مـا تشابـه ادري انك تعطي الجزله ومكسبك الجزيله=والقوافل ماشيه ماهمهـا نبـح الكلابـه المحيط الهادي ماخبرنا من يغـط الجـم بتـراب النثيلـه=بلغـو عنـا مطيـر وبلغـو عنـا عتابـه غاب نجم وبان نجم وبشر أفـراد القبيلـه=وأن رفعنا السيف عز السف دايم في نصابه الكابتن ياعساك تصادم الضلعان وتجيب النفيلـه=والثنا ماينجحد وان جبت شيٍ قلت جابـه يمكن انك بعد بكره كل حمـل ٍ ترتكيلـه=والخبر ينذاع بين الناس الأقصى والقرابه المحيط الهادي ياخطيب المنبر اللي مابقى عندك وسيله=لازم أنك تدرس فنون التحدث والخطابه نحتزم بالسيف الاجرد والمعاند ياحليله=كل ماكبرت عليه المشكله ضيع زهابه الكابتن أبشر إن الخير واجد والجمل ما قل حيله=يتعب الجمال والهرش بطريقه ما درابـه إحتزم بالسيف لكن منت خيال الكحيلـه=الوعد لا طول المشوار والدرب إلتوى به |
شكرا أخو أبو بيان على التنسيق ..
|
محاوره ابدااع من شاعرين لهم جزالتهم
حاولت اني اقتطف بعض الابيات لكن كلها جزله وبيض الله وجيهكم وشكر موصول للمنسق ابوبيان |
الساعة الآن +4: 08:00 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.