بعد ماجيت للحله بعد ماشفـت انـا الشعـار=سـلام الله سـلام اسـلام للحـلـه وراعيـهـا
الا ياالأشقر الليله نبا نقطـف مـن المحـار=لونه المجدمي يفرض على التباب يشريها

هلا يامرحبابك من هجوسي والعلوم اكبـار=تراحيب الوفـا والطيـب باولهـا وتاليهـا
في تال الوقت يا مدباس فالديره كثير اخطار=والاشقر لو تضيق الدنيـا يطيـر ويخليهـا

يدوم ابك البقا وانت شويعر تعرف المظهار=سـوات الــي مــع العـالـم يكحلـهـا ويعميـهـا
تطير امعه الطيور الطايره في غيم ولا غبار=ترى العربان تعـرف ياشويعـر مـن مباديهـا

مدام انك كذى اسمع تراها نشرة الاخبار=بعد بكره تبيـن بالاذاعـه وش معانيهـا
ترا مثلك مع الشعار ماخوذ ن حطب لنار=تسمع للعلوم الي بعيـده فـي مغازيهـا

الا يامقدم الدلـه وفناجيلـك علـى الخطـار=تشطـر والعلـوم الناقصـه لاعـاد تطريـهـا
انا صاحي فكر ماني مثل عامر معه عمار=مشينـا بلقوافـل وانـت ياالأشقـر تباريهـا

سمعنا بتاجر ن مطيـور زحـام شلـة التجـار=يقول الذيـب مـا يرقـد وهـو نفسـه معنيهـا
انا اظنك تعرفه زيـن ولانتـه يالبليـد احمـار=تمشيها على ظهرك حمول ن منت قاويها

انا في سلعتك تاجر وانا في سلعتك سمسار=الا يامخلـف النيـه علـى راســك تضويـهـا
تزين اللـك الليـال الدافيـه مـع دقـة النجـار=الا ياراعـي الخزنـه وشـلـي مـادخـل فيـهـا

كلامك شين وضعيف مخصص له ثلاث اقمار=قمر محجوب لك صوره عنيفه فـي بلاويهـا
بلشنا فيك يالطوشـي بلشنـا فيـك ياغـوار=يقولون العرب معـروف حاميهـا حراميهـا

تبيـن عمـلـة الـيـورو تبـيـن عمـلـة الــدولار=وانـا بختـم علـى طيـب ووفـاء اجمـل قوافيهـا
انا ماابلش مع الشاعر على وضح النقا يختار=سـوات الأحـر الأشقـر ياكـل الكبـده وثناديهـا

تبا الختمه تحصلها على كيفـك مـن الـزوار=وخوفي من عجوز ن تستلمنا في دعاويها
ترا حذفتك عاديـه مـا تعـدى ثـلاث امتـار=ورد العلـم عنـي والبهايـم فــي مفاليـهـا