كنت اعشقك يا صاحبي واتمناك = واشتاق لك ويزيد شوقي لطاريك
ما جيتني في كثر شوقي؟ وما جاك! = مني يدل اني احبك وهاويك
فرقاك يالحظة فراقه وفرقاك = يا يوم خلاني بكلي انا اشريك
واليوم مقفي والغلا يتبع خطاك =راحت تقافا بالخطاوي لياليك
اقول لك ما ابغاك والقلب يبغاك = ويدي تمنى لمست ٍ من أياديك
لولاك انا ما جيت للشعر لولاك=لكن قصيدي كل يوم ٍ يناديك
أاشوفك هنا واحيانا اشوفك هناك = دايم اشوفك في خفوقي واداريك
وانا مشيت بدرب نيران واشواك=كله لاجل أرضيك وارضي مباديك
اقول لك وتقول واقول ما اقواك = احترت أنا في موقفك ويش اسميك
أنا ترايه بالحشا دايم القاك = يعني كذا والا كذا (بدر) مغليك
وان قلت ابنسى صعب والله بنساك =خليتني وانا ترى صعب اخليك
دايم اخط بصفحتي وارسم اشفاك = وألمح عيونك كل ما قلت ما ابيك
ياليتنا يا صاحبي ماعرفناك = اللي يعرفك صعب والله يجافيك
لكن دخيلك يالغضي وارتجاك = لا رحت مابي اشوف تلوحية يديك
أرحل وانا ببقى على عهد لقياك = والله بخافي مانويته يجازيك !!!
ايه اعشقك ياصاحبي واتمناك = واشتاقلك ويحن شوقي لطارييييييك!!