أنا كـل ماشـوف الحمـم والبراكيـن=أعرف ان زلـزال الصواعـق سببهـا
على الرأس يا.. ‏JljJjJl والا على العين=مـادام المحاجـر مـا لطمهـا هدبهـا

حديثك ضعيف ولا ورد بالصحيحين=حشا..ماتضمنه المشايـخ خطبهـا
ليا قامت تفور الدمـي بالشراييـن=عسا لحية القرقاح تحمـى شنبهـا

حديثي يعرفه .عارف الشين والزين=ولاتعرفـه نـاس ٍ تضيـع نسبهـا
ابا اضرّبك يالرين مع خط برليـن=وما ضم صدرك من سواليف جبها

كذبها كبير القلب من قبل يوميـن=وعـود يصدقهـا بعـد ماكذبهـا
واخذها السفيه الثاني وجاك بالحين=وقال ابشروا بقعا قضبنـا ذنبهـا

كذبها على نفسه وغر القريبيـن=وناره طفت قدام يجمـع حطبهـا
تبا تسرق الرمان والخوخ و التين=وتظلم عباد الله وقصدك غضبهـا

عليك البروق تلوح..رايح على وين=يدينك علامك قمت تنهش عصبهـا
أنا للعنب عندي جنـان وبساتيـن=وجنات غيري مالتفت فـي عنبهـا

اعرف الطريق اللي تبا ياحمر العين=لكان الحرايب بين الأقراب سبهـا
ترا كل ماسويت ..زاد.. الشياطين=محابيل سوء.. وسوها لمن نصبهـا

مثل سالفة فتح وحماس بفلسطين=سوالفك يوم أعدهـا وآحسبهـا
مساكين ياطفال الحجارة مساكين=تبا الفزعة وتلقا العنا من عربها

على طاري الامثال .تايون والصيـن=غلا النفط دون ايـزود فيهـا نكبهـا
عسى الله يعوض خالط الماء مع الطين=وناس ٍ تبا تزود البحـر مـن قربهـا

ياشين العجوز اللي تسوي تمارين=تبا الفايدة والوقت محـفٍ ركبهـا
عسى الله يعوض مسحبين الجوالين=عقولٍ مع الجالـون تلقـا طربهـا