يا مرحبا بالشاعر اللي دايمن ذوقه تمام=دايم بيوته بالعلالـي دقهـا مـع جلهـا
الليله الليله نبيها بـن حكمـه واحتـرام=وابشر برفقت من صغيرات العلوم يزلها

فيك البقا يالشاعر المقداد ياعـذب الكـلام=اهرج على وضح النقا وعطنا علومك كلها
منت اول الشعار سايرته على حسب النظام=جاك الخبر واللي عقد روس الحبال يحلها

انتـه مـدام انـك كـذا هوليـه تلبـس لـك لطـام=القـوم مـن يـاقـف ورى الـجـدران مايحتلـهـا
ادري ولكـن لاتعـزوى وانـت ماتلـبـس حــزام=يا اطرش مع الطرشان بض امن السوالف خلها

اثرك بنت من اول الطاروق الك قصد ومرام=لاتفرك السبحه بيدك اللـي معـك وتهلـها
عزالله انك ياجمل طيب لكن مالـك سنـام=ياليت بعض الناس نامت والمنـام احسلهـا

يادر يا ياقـوت ياجوهـر عليـه بالحـرام=انه مايستاهل سيوف الهنـد مـن ماسلهـا
دقق بمقصودي وتعرف ويش قصدي ياغلام=غل النفوس بذمتي ماهـو بنفسـي غلهـا

اللي يضيع بالسعه وشلون لوهو بالزحام=لو يغزي بكل السيوف القوم ماياصلهـا
مدري تبيها بالحم والا تبيهـا بالعظـام=والا تبيها تمر بعض الناس مايفطن لها

فهمت مقصودي خطا وابعدة يا نسل الكرام=وانا احسبنك يابوعوجـه بالقـى عملهـا
لراح منك الغيض راجع ماكتبنا من كـلام=اكيد ماضيعت هـذا الليـل يمكـن دلهـا

سجلتها في دفتر التحضير في شهر الصيام=وانته عيونك ياطويـل العمـر لايزولهـا
مايدس راسه بدفينه يارجل غيـر النعـام=اظبط هدفهـا والعلـوم تجيـك منابحلـها

عزالله انك يابو عوجه ضاربن دربن ظلام=وبنت الزناتي ماهي بختك وانت مانت اخولها
انا احسبنك تنطح الهجمات في حد الحسـام=وثرك ذيك اللي تقفي يـوم شافـت ضلهـا

ادورك يم الجنوب وقلت يمكن رحت شام=بنت الزناتـي لاترددهـا ترانـي خلهـا
جبت العشاء يالشاعر المقداد مافوقه يدام=ترا العلوم الشاتله بعض الكبـود تعلهـا

بعد صلاة الفجر عندي يابوعوجه لي دوام=وارج السموحه كان بعض من البيت نخلها
صدقت يا شاعر لكن اقبل سلامي والسلام=يالصاحـب اللـي خوتـك ماملها ماملهـا