قبيلة بني رشيد - الرمش كنه من طوابير شمر

بطلب من ولد شمر العضو الجديد علينا طلب منا قصيده منها هذا البيت

الرمش كنه من طوابير شمر----لاصفها عبد العزيز الجنازه

هذه القصيده كامله لك اخي العزيز ولد شمر القصيده للشاعر الكبير عبدالله ابن داموك الرشيدي
شاعر غني عن التعريف ولو اكلت له المديح لن اوفي ابو ممدوح حقه اليك القصيده

يامن على العاشق عيونك تأمــر ====== تجيز ما ل يجاز عند ك مجازه

من نظرتك وقفت كني مســــمر ======== =بالكبد كن مداخلتها حزازه

الرمش كنه من طوابير شــــمر ========= =لاصفها عبدالعزيز الجنازه

لاطقوا اللطمه على ظهور ضمر =========قدامهم عدو يطلب نجازه

يشبه نهار الضوفعه ماتدمر ========== غرب الغضى برضا قليل غزازه

الموت جالس مرتكي ويتعمر ======== والرمح يشكي بالخوافي أرتكازه

والسيف يشرب دم راس تزمر =======في كف ليث(ن)مابقلبه اهتزازه

نمر (ن) لياشبت لهبها تنمــر======== يجري بعروق الدم مجرى اعتزازه

لاطالع بخصمه بمكانه تسمر =====كــــــن بعيونه جمر نار المغازه

والله لامبالغ ولاني مقمر ====== والكذب مايرسل بأرضي جهازه

لاشك فوح وبوح قلب(ن) تجمر ==== وحيد شاف الموت بأرض جرازه

ولد شمر اذا حصل خطاء فهو مني وليس من قصيده الشاعر عبدالله بن داموك الرشيدي
اخطاء املائيه فاسمح لي على القصور واستميح شاعرنا ابو ممدوح العذر كذلك اذا لم استطع نقل القصيده نقلا مثل ما انت تريد ه لقصيدتك شكرا لشاعرنا الكبير ابو ممدوح على النخوه كفيت ووفيت