من جنود العمده اللي يا عسى تسلم يمينه=اعلن المقدااد قدام المخاليـق انضمامـه
شيخنا ناصر زعيم الحرب ذباح السمينه=نعم فيه ان قال انا العمده وطوح بالعمامه

كانك انته من جنوده ليش ماسديت دينه=عمدتك معروف والشعار تعرف وش نضامه
من يدور للحروب الله على الطرقه يعينه=والرجل معروف يارجال من منطق كلامه

ماعليه اديون وانته قول وش بينـك وبينـه=عمدتي دايم مع اهل العرف يحضى بحترامه
وانتصر بالحرب جعل الله يحفك بالسكينـه=الزعامـه ماتصيـر الا برجـال الزعامـه

عام الاول عمدتك ياصاحبي يطحن طحينه=وستواله خبز لاكن قام يبحث عن يدامه
عمدتك يلي تغني شايب قفت سنينه=وشتبي باالشايب الي مايشيلنه عضامه

انت خابر عمدتي واربوعك ايضا خابرينه=يوم ثار الملح صد القوم خيـال الجهامـه
شايبن شيبه على الناموس ماتلقـا وزينـه=وانت خلك مع شباب اليوم وابس لك بجامه

عارفينه من رجال العرف والله عارفينه=مانقول انه نهار الكون يرخي في حزامه
من شباب اليوم لاكن كل عدن واردينه=مذهبي ياصاحبي مذهب رياجيل الكرامه

ليه يوم انك تقول انه يعجن فـي عجينـه=وانت عندك علم في عرفه وطيبه والتزامه
ما تقول اقصور باللي حافضن عرضه ودينه=بس انا ابرسم على ناصر بهل ليل ابتسامه

خلها كلمه وراحت بين اقلوبن فطينه=وعرف ان المحترم يفرض على الناس حترامه
من يجي باالطيب كل الناس علمه قابلينه=ومن يجي باالعلم القشر ماوراه الا الندامه