شاعر فلسفه × الاشقر
 

شاعر فلسفه

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سلام الله وبسم الله سـلام ٍ يظهـر النيـات=وانا شاعر وجيت الملعبـه ومصفـي النيـه
على حزب النصر نبدى نوجه صامل الظربات=واليامني ضربت الداب الأكبر تهجـع الحيـه[/POEM]



الاشقر

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هلا يا مرحبابك بالنيابـه عـن هـل الوقفـات=تراحيب الوفـا منـي يـوم الله جابـك اهنيـه
على حزب النصر توقف على حيلك ترا هيهات=ترا غيرك تحصلهـا مـن ايديـه مـن ايديـه[/POEM]


شاعر فلسفه

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يدوم ابك البقى ياللي ترحب واترك الزلات=مدامك نايب ٍ نعقد عليك عقـود مقريـه
ابدرج فوق راسك مبخر ٍ ياطيب الهقوات=مدام انك معانـا باللقـاء خـل الحراميـه[/POEM]


الاشقر

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الا يا شاعر الي كل ما غنى جديد أبيـات=يغنيها وفي قلبه علـوم ن شبـه مخفيـه
تدرجها على راسي وانا برخي لك الميات=مدام انك تويجر والبضاعه ماهي عاديـه[/POEM]

شاعر فلسفه

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بضاعتكم نفشناها تراها في زمان ٍ فات=لكن ان طعتني فل وتركد واستر الكيه
الا ياللي تحج ولا تكمل رميه الجمرات=معانا ماتحصل يافتى لـو ربـع ربيه[/POEM]


الاشقر

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الا يا شعيل طافت وانتبه بالروحه والجيات=نشوف الحمل زاد اليوم ميه فوقهـا ميـه
الا ياليت ناصر يعطي امر ال قايد القوات=ولكن البلا قلبـه تحـت حكـم الهواويـه[/POEM]

شاعر فلسفه

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اعديها على راسك ولكـن دور الفزعـات=عسى تلقى الذي يفزع معك يامنشف الطيه
الأشقر خالطه بأسمه كديش ٍ ينقل الثقلات=ولابه فرق مايمشي يكود انغزيه في شيـه[/POEM]

الاشقر

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تدرجها عقب طافت عسى الله يرحم الاموات=بعد ما اخذت لك صـوره طبيعيـه وفنيـه
ترا الاشقر جبل شامخ يعرفونه هل الغزوات=ماهو مثلك شويعر وقفتـه مزنـات صيفيـه[/POEM]

شاعر فلسفه

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الا ياللي تمدح نفسكم مالك مع الطولات=تسترها بمدحك باينه بحروف سطحيـه
تقول مصور الصوره عساك تميز الألات=وهي فوقك تلالا قصفها ضربات جويـه[/POEM]

الاشقر

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ترا درب الصراحه صحيح ولا يدخله شكات=ماهو تاريخ ن امحرف في عقول ن جنونيه
يقولون الوسيلـه دايمـن اترقـع الغايـات=مدام انه علومك راحت لا هـذي ولا ذيـه[/POEM]

شاعر فلسفه

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تواريخ الشرف النا تواريخ ٍ لها بصمـات=على عز ومعزه فوق وانت افعـال دونيـه
علومي واضحه وانته بلعت ببطنك الجمرات=ترفرف بس ماينهض جناحك نص متريـه[/POEM]

الاشقر

[POEM="font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تواريخ الشرف الكم بها صفحه من الصفحات=عسى الله لا يغيرها مـن افكـار ن شبابيـه
علومك واضحه وصفا من المويه يابو الونات=تغنيها وحسبك مـن رجاجيـل ن شريطيـه[/POEM]

لا هنت يالشقل وبيض الله وجهك وص لسان الشعراء

بوت اعجبتني من الطرفين

فلسفه

الأشقر خالطه بأسمه كديش ٍ ينقل الثقلات::: ولابه فرق مايمشي يكود انغزيه في شيـه

الاشقر

ترا الاشقر جبل شامخ يعرفونه هل الغزوات ::: ماهو مثلك شويعر وقفتـه مزنـات صيفيـه

الاشقر

ترا درب الصراحه صحيح ولا يدخله شكات ::: ماهو تاريخ ن امحرف في عقول ن جنونيه

فلسفه

تقول مصور الصوره عساك تميز الألات ... وهي فوقك تلالا قصفها ضربات جويـه

تقبل مروري اخوووك : الاكحـــل

اشكرك على تنسيق المحاوره يالشقل

واشكر الاكحل وزميلي الشاعر شاعر فلسفه

سعد الشقل
الله يعطيك العافيه
على التنسيق وتسلم الأيادي

وصح بدنك يالأكحل واعجابك شرف

واشكر اخوي الكبير الأشقر

وبيض الله وجيهكم ووجيه المتابعين

محاوره رائعه