الجوهر المصيون
 

وجودي وجود اللي غرق في غزير الموج

* تصافق به أمواج المحيطات واقفت به

ولا به حداً عن ما قضى الرب شبر يموج

* ولا للفتى عن قدرة الله والكتبه

قضيت الحياه بهم والكبد فيها فلوج

*ولا ينفع المهموم حظ ولا رتبه

أسيّر لحالي في فجوج الخلى وأدوج

* وأغني طروق تلت الحال واومت به

على اللي من أسبابه ستار الحشى مفجوج

* هنوفاً خذت عقل المولع ولا جت به

كما مهرةٍ مشهورةٍ عند أهل عمهوج

* غشاها الحيا والملح والزين فازت به

وأنا ضاع عمري في هواها بلا منتوج

* تولت على تعذيب حالي وراحت به

سهوم المنايا نظرة الناظر المدعوج

* ليا سلهمت بالطرف وبرمشها أغضت به

عليها العيون تهل همالها المبهوج

* تهل العباير وأزرق الدمع جادت به

كما الجوهر المصيون فيه الذهب ممزوج

* ليا جيت أوصف حسنه العين حارت به





اسم القصيده وشاعرها :
الجوهر المصيون
الشاعر // باني بن عبدالله البقمي



0

اخي رشيد تسلم اناملك على النقل وصح لسان الشاعر

الله يعطيك العافيه


على نقلك الجميل واعجبني هالبيت اللي يسوى قصيده

ولا به حداً عن ما قضى الرب شبر يموج

* ولا للفتى عن قدرة الله والكتبه


تقبل مرووووووووووووووووووري

الأخ رشيد سلمت وشكرا على النقل وصح السان الشاعر


الصبر مفتاح الفرج كان تدري ..............ومن ما صبر ما حصل اللي يرده

تقبل مروري

صح السان الشاعر وتسلم يد الناقل..
قصيــده راااائعه