قبيلة بني رشيد - فتى عبس × شاعر طرطنقي

فتى عبس

كان به شاعر يلزم بيوت القصيد=ودنـا ندبـل القيفـان بمثالهـا
مايصير الحكي يااللي تدور نشيد=أركب الموجه اللي يلتطم جالهـا

شاعر طرطنقي

مرحبا في محل امطوعين العنيـد=عند عبس الشجاعه تعرف افعالها
ياولد عبس هات الحين علم ن مفيد=والاذاعه تراهـا بثـت ارسالهـا

فتى عبس

البقا باالرجال اللي تضـد الضديـد=كل تاريخ سجـل صفحـة أبطالهـا
وانت ياالشاعر المبرووك ليلك سعيد=وأسعد اللحظه اللي نخاوي إرجالهـا

شاعر طرطنقي

أركب الموتر الليله وسافـر بعيـد=وغن مـوال ليلـى وجـر موالهـا
بعض الاجواد معنا شيك مابه رصيد=وحالته بالمواقـف حـال يرثالهـا

فتى عبس

وش بلا الشاعر الليله علينا يحيد=والسوالف تدرج تـو مدخالهـا
راع الاموال مايدخل بسوق العبيـد=يمكن إنه يخسر السلعه وموالها

شاعر طرطنقي

كان عندك قديم وكان عندك جديد=هاتها والعلوم انعـرف معدالهـا
راع الاموال من طبعه يمد الزهيد=وانت سلعه جديده ماعرف حالها

فتى عبس

انت شاعر وطرطنقي ولكن مفيد=تحسبنك ملكت الأرض وجبالهـا
بكره تجيك حذفه ياالشقي ياالعنيد=يوم بعض العرب يحج إشمالهـا

شاعر طرطنقي

البلاده تراها من طباع البليـد=كيف ترضى لها بالله يا خالهـا
المسافه طويله وكل لحظه تزيد=والحموله ثقيله وانت تشتالهـا

فتى عبس

إعرف إنك حفات العيس ندب الشديد=فـال رب البشـر ياهيـه وفالـهـا
غاب نجم ولكن فيـه نجـم يسيـد=وناس تبكي على شيبانهـا عيالهـا

شاعر طرطنقي

أعرف انك غشيم وفيك طبع ن فريد=والقوافل تمشـى وانـت تبرالهـا
قالو الموت موجود ن بحبل الوريد=وكل نفس ن تحاسب قـد اعمالهـا

فتى عبس

ليه تقفل خزنتك يا بو زيد بحديد=ورقم مفتاحها عندي مع اقفالها
خلك بقبرك اللي فيه لحد وحيـد=يوم كبرت الطاله مـا تقوالهـا

شاعر طرطنقي

الصعيدي ترا ذيب ن لاطب الصعيـد=ودلتـه بالزمـن مشـروب فنجالهـا
لاهب الشمس ذاب اليوم منه الجليـد=وصبحت روضة ن خضرا على جالها

فتى عبس

ودي أرفع عليك اليوم سيف الوليد=لكن المشكلة من يقضب إجمالهـا
كانك الشمس بقولك شويه نعيـد=وإعرف السر في عمتك وعقالهـا

شاعر طرطنقي

لا تهزري ترا منت بقـو الحديـد=وهرجتي الطايفه ياليت تصحى لها
ليت بعض البشر من هرجنا يستفيد=والملقف ترا لو تسكـت اشوالهـا