قبيلة بني رشيد - ابن فطيس

252252bani-3abs.....

هذه قصيدة للشاعر
محمد بن حمد بن فطيس المري

بعض العرب حبه يوردك الجنون ............ ولا يوصف له غلاة حكاك له

مايقنعه وسط الغلا لو وش يكون ............ لو كل حرف بالحرير يحاك له

الموت جاك وهو تقلبه الضنون ............ ولا لك إلا الصبر وش وداك له

إن قلت ضايق قال هونها تهون ............ مايدري أن ضيقتك له وبكاك له

تقعد تحبه وأنت ساكت ومغبون ............ يمكن بيوم يقال ما أوفاك له

وكانك مشكك هم يمون أو ما يمون ............ تخيل إن عفت الصبر فرقاك له

غلا ومن فوق الغلا ماهوب دون ............ حكاه سمعك يجبرك بأرخاك له

ودك تحطه في العيون من العيون ............ وتبسط على رمضا الثرى يمناك له

وتظله من الشمس في ظل الجفون ............ ولا يمر أذنه سوى لباك له

وتسج من غيره لو أنهم يذكرون ............ ومنين ماسجت القدم ممشاك له

غرو يميله الترف ميل الغصون ............ غصنً ميال ومكرمه باسقاك له

جديله الى أقفى ستر منه المتون ............ كني بريحه لا ألتفت لأدعاك له

كيك وعسل لكن ماهو في صحون ............ ودعاك من عين الحسود غطاك له

الله لا يعطيه ناسٍ ينظرون ............ ويستر عليه من النحل لا ياكله

الوصف والتعبير في وصفه يهون ............ غير اطلب الله يستجيب دعاك له

وعذال قلبك في محبته يهبون ............ سكينهم عن قطع حبله حاكله

ناس عن اعراض العرب مايعرضون ............ ودايم على نفس الشكل والشاكله

اللي من لحوم الاوادم ياكلون ............ وحلوقهم دفع البلاء متواكله

في سلمهم اولى بالاكل الأقربون ............ وأطيبهم اللي صيدته شكواك له

عازمهم الشيطان للذنب ويجون ............ هذا يقطع له وذاك يواكله

ياجعلهم فدوة ثر الغض الفتون ............ اللي على الدرب الطويل خطاك له

طيفه الى نام البشر زارك بهون ............ وطيفك الى نام البشر سراك له

حبه دفان ومقبرة خضر الطعون ............ بين العظام العوج كنك ناكله

اللي كذا حبه لو تموت مغبون ............ ولا لك الا الصبر وش وداك له ؟!؟