بالديره اللي جوها يشفى به القلب العليل=الصيد واجد والمزون بجوها مثل الجبال
وانا من البارح افكر بالسمين وبالهزيل=مدري انا اذبح لي جمل والا اتعشى لي غزال

الديره امست امنه ماحافها القلب الذليل = والحمل ماله ياولد لامن ثقل غير الجمال
خل الهزيله وانتبه للآوله وانته دليل = وانته تدور لك عشى ماهو حرام ولاحلال

انا ادري انه مايشيل اثقالها غير الثقيل=الله يبارك بالجمال اللي تروح بالثقال
مادام ليلي جاب زابن مانبي غيره بديل=والله ماتسري ذود قوم(ن) عقلوها بالعقال

الذيب يعرف بالعوى والخيل تعرف بالصهيل = اخذ الحذر لاذعذعت لك من جنوب ومن شمال
الله يبارك بالقنا والرمح والسيف الصقيل = القوم دون حقوقها وانته بوضع الاحتمال

اليا عوى لك ذيب ردد ليل يامااطولك ليل=اما اكتفى براع الغنم والا سرى بأم الرخال
وحقوقنا من دونها الارواح والفعل النبيل=من عصرنا الاول وعصر اليوم مافيها جدال

ياذيب ياللي تنسدح لاشفت لك ظلّ ومقيل = خل العشى للي مع المسرى مهاذيبه طوال
اهل المغازي لاغزو يلحق بهم مومي شليل = ومالك مع اهل السوق ياوسمي جنيه ولاريال

الذيب ذيب ولايتسمى فيك ياحام النزيل=مال التشابه بين ذاك وذاك يازابن مجال
ابيع واشري واتخير بالكثير وبالقليل=مااطاوع الدلال وسط السوق عندي راس مال

الذيب ماني جاهله لاكن ابو خرطوم فيل = لاكن لاتامن شرور الوقت وظروف الليال
ان كانها ثقلت حمولك وش تحط ووش تشيل = ياللي تدور لك جواب جاك مردود السؤال

يانازل الوادي غشاك السيل واغرك المسيل=وانته تجر الصوت وتغني على صفر الدلال
وطبع الكريم يقال مايشره على كف البخيل=والله يغير ياعميل الخير من حال(ن) بحال

مادام جمعت الحطب والزند يقدح بالفيل = السيل ماشفناه والبراق يبرق بالخيال
وكف الشحيح اليا قصر ماهوب لكفوفي عميل = ملزوم يسمعني ليامن قلت له روح وتعال