يامدور الحاجة....
 

يا مدور الحاجه ورى كـوب شاهـي :

: مـا عنـدك الا الثرثـره والتبـلاس

لا تفكـر أنـك بالمراجـل فكـاهـي :

: قرطاس في عيني وأذا رحت قرطاس

يـا رب زينهـا معـي يـا الاهــي :

: ثم عزنـي يالله عـن منـة النـاس

أعوذبك مـن صاحـبٍ دوم ساهـي :

: وعوذبك مـن كـل مفسـد وخنـاس

ومن كـل واحـد تافـهٍ مـا يباهـي :

: وانا أدري أن الناس يا ربي اجنـاس

الوقـت جمـع كـل رجـلٍ وفاهـي :

: وأيضاً تشوف البعض في حفة الساس

وشفت الدواهـي بالمراجـل دواهـي :

: وأنا مع اللي صحبته ترفـع الـراس

الصاحب اللـي دايـم الـدوم ناهـي :

: يصير في وجـه المقاديـر نومـاس

ابو طفاش

صح الله بدنك

ولاااهنت على

المرور

لك

التحيه

لااخ.مسند العويمري

صراحه تعجبت اول ماقلت
القصيده لك ولا لغيرك

المجلس هذا للقصايد المنقوله
ولا قصايد الاعضاء؟؟؟


هالقصيده لي انا

وصح الله بدنك

يعطيك العافيه

على المرور

لك

التحيه

صح لسانك
عجيبة القصيدة هذي

صح لسانك
تحياتي لك

بيض الله وجهك اخوي محمد مطلق الصواغ
وصح السانك والقصيدة جزلة وتفرض نفسها
ولاخلا ولاعدم