يالشاعر أنته وين والفرفشـه ويـن=للضحـك يـوم وللزمـان انقلابـه
بين الرجا والياس والعسر والليـن=وبين الشهود وبين ريـس عصابـه
هبت هبوبك عام خمسـه وتسعيـن=وشبت وشابـت والزمـان بشبابـه
ومشيت قدم وخلف ويسار ويميـن=وبغـت تخلينـي عشـا للذيـابـه
ومخزنه في شاشة الفكـر تخزيـن=ماهي طلابه ميـر حـول الطلابـه
وان ادبرت دنياك جت لك بلونيـن=وقلت مكاسبهـا وصـارت نهابـه
والنقص بالدنيا ولا النقص بالديـن=مقسوم واللي جابـه الـرب جابـه
وزيحت عن السلطه رجالن سلاطين=وزلت سحابـه واستهلـت سحابـه
وكان أهل الفزعات بالارض حيين=للمهزلـه لابـه وللطيـب لابــه
وأنا نشرت اللي سمعتـه للأقصيـن=وفرحوا به الادنين وأصبـح بغابـه
لكن صحيح أن الدهر لـه معاويـن=وألا جبل عران مـا مـات دابـه