كبرت براسي ليلة لبارح وجندت القصيد=الين ميلت البريهة فوق تاجي والمقص
وايقنت بأني لوبغيت اضرب بكف(ن)من حديد=ماشوف غير ان الجبال الشامخه كبر المفص
ابوك يالمسطور لا حديت في ليل المكيد=تطلعك يمناك لو شح اكسجينك بالقفص
ادري بقوه داخلية بين اعماقي تزيد=لو تندفع اصغر حقوقي لو رخصته مارخص
لاتحسبني لا عطيتك علم ابكرر واعيد=اضحك على نفسك وخلك من طبولك للرقص
صاحبك لوابليس شيطانه ابو باس(ن)شديد=يمديه حفظه الصمد والقارعه قبل القصص
وش انت يالمسكين لو طشيت في يدين العنيد=اهون عليه من السياحه والتقنص والظفر
اقول لاتكبر واجيب العيد وهلاله بعيد=تحمد الله واترك اللي فات والدنيا فرص
تغانم ايامك وعيد في نهار الله السعيد=ومالك عن اللي كاتبه ربي مناص ولامفص
وان كان تبغاها تصلي فوق جثتك العبيد=زعل سلايل عبس ويكوك باسنان الخوص
والله لولا مخافة المسلم من الرب المجيد=يمديه موضوعلك ووضعك من بداياته خلص
لو عشت في لبنان والا عشت في وسط الصعيد=والاتنكرت بملابس بنت في بلدة حمص
لتأصلك ذيك السباع اللي لياهدت تبيد=منهم يشيب شعر راسك قبل يكسيك البرص
فيهم رموز اهل الشجاعة للعرب يالمستفيد=ومنهم تعلمنا الغرام العف نصا(ن)فوق نص
ومنهم عرفنا للخوي حقوق عنها مانحيد=وفيهم تواضع زادهم رفعه ومنهم مانقص
اهل الكرامه والشجاعه والفرايد للفريد=ماتحصى افعال الرشيدي لو تدرس بالحصص
ومايبخص افعال القبايل فخري بني رشيد=كل القبايل تاج راسي بينهم ماني مخص

نواف العوض

اقتباس من مشاركة سعد المظيبري (المشاركة 457496) وان كان تبغاها تصلي فـوق جثتـك العبيـد زعل سلايل عبس ويكوك باسنـان الخـوص صح لسان قايلها وبيض الله وجهك ولا تحرمنا من جديدك

اقتباس من مشاركة عبس404 (المشاركة 457497) صح لسانك وبيض الله وجهك على القصيده

اقتباس من مشاركة ابو جلوي (المشاركة 457618) . هلابك اخوي نواف وصح اللسانك . قصيده في غاية الجمال وجود يبشر بالخير اول مره اقراء لك يعطيك العافيه تحياتي اخوك عبدالعزيز