يــاحـي صـوتك يـابعد كـل هالنــــاس
يـاحي صـوتـــك مالقيــنـــا مثيـلــــه


أشـبعت سـمـعي يـابعد كل حســاس
واشـبعت ليـلـي في وصوفن جميـــلـه


لاهـبت النسمـه على كل نسـنـاس
اوحـيـت صـوتــك مايبـيـله دليــلــه


قلـبي وعقلي والقلـم فيك محتـاس
وده يقــــول الـي بقـــلـبي ثقــيــلــه


حـبـك بقلــبي مالـه أعداد واقيـاس
طــاف الفضـاء والليــل يعلم بليــلــه


عـد النجـوم وحطها وسط قرطاس
فــي ذ مـتي حـبـك تـعــدا حصيــلــــه


يا أجمل من القمره وانواع الالماس
ويـعذب من الانهــار دجـلــه ونيــلـه


ظـل الشجر يبقى وتـبقى لك انفاس
أنفـاس حبــك في حـشايـه ظليـلـــه


فيـك الدلع فيك الخجل عالي الباس
يالـي وصفـنــا وصفـكم في قليـلــه


ياروع من الماء لادخل ريق يباس
يـافضـل من اورد الربيـع الجميـلـــه


تليــت قلـبي تلت الطيـر قرناس
حر(ن) هوالـه ولد شيخ وقبيـله


حبست حبك داخل القلب بحباس
مايـخرجه غيـر القصـايــد تسيــلــه


عطني عهد يالي بنيـنه له الساس
ماتتـرك أأقليـبـــي وتـعلــن قتيــلـــه


تــرا الغدر صيتن طلع فيه جساس
وترا الامـانــه فــي يــديــن الجليـلــه