ردود المـدح عرفـان وكرامـة=من أسلاف العـرب ذروه سنامـه
من أسلاف العرب حتـى خلفهـم=عمار الشعر ساسه عن هـدامـه
يحفظـون أجزلـه ويقـدرونه=حفـاظٍ لـه و قـدر لاهتمـامـه
مثل ما للوطـن عنـد المواطـن=كرامـة حفـظ حده واحترامـه
هذيـه الشعـر عنـد مقيميـنـه=قبل يخلـط سمينـه مـع هلامـه
ولايمـدح بـه الاُ كـل طـيـب=شهود الحق نوره عن ظـلامـه
مثل مـن فيـه سويـت المدايـح=مد يحي با العقيل افطر صيـامـه
بكل اخـلاص ياالـدكتور اقولـه=عسـى ربـي يديمـك بالسلامـه
الـك منا الوفـاء يـا ابومحـمـد=علـى طـول المعرفـه والاقـامـه
قليـل يـا المقـدم مـن كثيـرك=وجـودك فارضـاً قدر احتـرامـه
فزعت وفزعتـك ماهـي غريبـه=عوايـد طبـع عشـاق الشهامـه
هديتك يا العقيـل امـداح شعـري=علـى موقـفـك تقدير وكـرامـه
اثرجـهـداً بذلـتـه ياسنـافـي=لنايـوم الصبـخ غطـه عسامـه
لهذا ياعقيل ابــن مـحـمـد=بـرق فـيـك الثنا وأمطر غمامه
عريـب الاصـل مثلـك ينتذخـر=الياجـا لـلـزوم الالـتـزامــه
مقـدم رتبتـك بـاالعسكـريـه=ومن اهل العلـم مرتبتـك فخامـه
مـع اهـل العلـم دكتورالشهـادة=تشرف بـك شـرف قـدر وفهامـه
هويـت العلـم قبـل انـك تعلـم=وهـواك العلـم وهدالك وسـامـه
مقرالـعـرف ذاكـرة الـعـوارف=ومقرالغشـم ذاكــرة الغشـامـه
عرفـت العلـم وقنعـك التواظـع=يـهـذب للنـفـوس الاستقـامـه
سلـوب الكبر مبـدا كـل نـاقـص=طريـق المهزلـه والانفصـامـه
هذيـه الشعرمـن عهـد الاوايـل=اله عند العـرب جـاه وحشامـه
ولكـن نـوب يخطيبـه مـعـده=يغـره زيــن مظهروابتسـامـه
ويمـدح فيـه مـن لايستحـقـه=رديٍ لابـسٍ ثــوب المـلامـه
رديٍ مـظـهـره يجذبـك ـزولـه=قبل لاتقيس من ظـوح الخمامـه
بليـد احسـاس ناعمةٍ جنوبـه=مخـمٍ روبجـت فيـه الرخـامـه
اليا شفتـه قـبـل تاخذ وتعطي=منـه تقـول يـارب السـلامـه
هبـودٍ طايـش ٍ فكـره سمـاوي=يثقـل هامتـه لبـس العمـامـه
لو إن الطيـب فــي كبرالمظـاهـر=ما حد ياخذ على الثـور الزعامـه
قرونـه فـوق راســه كنهنه=حـراب اللـي يفكـون الجهامـه
ولكـن ماتـرد الــذل دونــه=ولافـاده كبر جلمـد سنـامــه
تشيـل الحرطلقـات المـوامـي=ولاياقـع علـى عـش الحمامـه
مثـل ماتشيـل عشـاق المعالـي=عليها همـةٍ فـي وسـط هامـه
وعن طول القصا الشرح اختصرته=بدون اعـلان اسـم راع العلامـه
علـى التعبير تشتـاق الطـرايـف=الـى معبر يمـومـي ونسجـامـه
عـلـى معبر قصـيـد ٍيممتـبـه=هبوب الهيض في مقصـد مرامـه
مديـح ٍ فـيـه تعبير الخـواطـر=شهود ٍ اثبـات مـن يحمى كلامـه
عقيـل الطيـب محمـود الجمايـل=حفيدٍ روس اهل حرمه عمـامـه
وختام المسـك يـا الدكتور اقولـه=عسـى ربي يديمـك باالسلامـه