قبيلة بني رشيد - عجل احساسك حبيبي قبل ظني يخيب

ياوليف الروح وينك..ليلي من غيرك صويب
ياوليف الروح تدري؟..هاجم افراحي ذيـاب

صار قلبي يشتكيني..ليه انا بأهلـي غريـب
ليه طالت هالثواني.. ليـه تهشّـم بالنيـاب

لو تمر ساعه بدونك..طفل افراحي تشيـب
كيف تترك هالليالي..تنهش القلـب بغيـاب!

كيف تترك لي غيابك..والمدامـع والنحيـب
كلنـا أيتام..قلبك..كلنا..نلـحـق ســراب

كيف تتركني في غربه..وآنا باحضانك ربيب
كلما يهدا ضياعـي.. ينفتـح مليـون بـاب

يعني ماكني اعاني؟؟ماكسر شمسي مغيب؟؟
شوفني لعيون بعدك..اندفن فـي هالتـراب

حتى عيني تقرا فيني.. انت فاقد لك حبيب؟؟
ذابـل البستـان كلّه..دمّـره والله خـراب

ياوليف الروح تدري؟؟ليلي من غيرك رهيب
كل شي اصبح بدونك..مكتسي لون الغراب

عجل احساسك حبيبي قبل مـا ظنّـي يخيـب
قبل مايحكي شعوري..طاب جرحي والله طاب