يامرحبا فيك ياشاعر زمان قديم=واليوم تصعب عليك ولا انت ويالها
انا ادري انك فهيم ولايعلم فهيم=خل الخيول الاصايل عند خيالها

فيك البقا يالنديم اللي يعرف النديم=والناس تدري بطيبها وبطالها
انا ادري انك حكيم في محل الحكيم=تبا تجول المدينه قبل مدخالها

لو نشعل النار في قوع الحطب والهشيم=تلقا اهل الخير ماترتاح باعمالها
اهل المدينه ومكه مايبون القصيم=الاخطاة البداه اللي على جمالها

لو كل رجل مع اهل العرف يمشي سليم=تلقى هل الخير ماتعتاش بجبالها
ماعندك الا الخصيم اللي يضيم الخصيم=ولا انته من اهل البداه ولا انت هبالها

يالله يالي على خلقه غفور رحيم=تشفي عقول العباد وتصلح احوالها
اسمع كلام النشاما وخل شور الحريم=لاتخري اذنيك ياخليف وتصاغى لها

انته معي صاحيٍ ولاانت مازلت نيم=حنا هل الديره اللي نحمي جبالها
مانته من اهل المعارك وانت فيها غشيم=الدله اللي بلشت بسوق فنجالها

اعلمك بالربيع وتنتظر للحميم=الله واكبر يابعض الناس واخبالها
صار السما صحو ولا صار في الجو غيم=سنع سوالفك لا تضحك وتشتالها

الله يلعنك يابليس اللعين الرجيم=البدو بلشت بمنزلها ومرحالها