دقت هجوس الشعر والبال طربان=هات القلم بكتب بيوتن جزيله
ال شاعر المليون والهرج مليان=من شاعرن بالشعر فكره دليله
اخر زمان اقيم الشعر غسان=ومعه النعيمي ومعه مافيك حيله
ولا بدر مصفوق عميان عميان=ويمه المريخي جعل ربي يزيله
برنامج ن مبني على افكار شيطان=رجع سنين الجهل ياعزتيله
افلان يمدح له فلان وفلنتان=ولافيه مدح ن غير لاهل الفضيله
ردت زمان العنصريه بالانسان=هاك السنين الي تجيب الفشيله
كلن يشوف انه على المجد عنوان=ونسو كلام (المصطفى) بالقبيله
حنا العرب اهل التخلف يا حمدان=ما نصنع غير الحقد ومعها الرزيله
اكثر عربنا يتبع الدان والدان=ويركض وراها بكل عزمه وحيله
ويا رويشد ماني مشتاق ولهان=ولا مع البطه شعيل وزميله
الغرب حطت بالصناعات ميدان=تنتج وتصنع طايرات وتريله
المجد له بيبان وللعز بيبان=ومافيه حاجه ياولد مستحيله
هذي حقيقه واضحه معها برهان=المجد مايبنى بيوم ن وليله
ادرس وحط العلم دايم بالعيان=حتى تجيب العلم وتنتج حصيله
يمكن يدور الوقت وتصير سلطان=وتصنع صواريخ ن مداها طويله
وتذل قوم الروس وياهم اللمان=وتصير عالم دنيا محد ن مثيله
وتشب فوق ابن اليهوديه نيران=وتحرر الديار العرب بالصقيله
واعلم ان الناس بالدين اخوان=مافيه فرق وكلبونا فصيله
ودقت هجوس الشعر والبال طربان=ورسلتها واكتبها بأكبر وسيله