قبيلة بني رشيد - محــآوره عبدالرحمن خضير’’وبخيت السناني

قبيلة بني رشيد (http://ban3abs.com/aa/index.php)

- منتدى المحــــــــــــــاوره (http://ban3abs.com/aa/forumdisplay.php?f=13)

محــآوره عبدالرحمن خضير’’وبخيت السناني

عبد الرحمن خضير..

سلام الله سلامن عن كلام الناقدهـ محشوم=اسلم به على اهل الحفل واللي جوهـ طرقيه
بعدها يالسناني مالك الا رزقك المقسوم=وليا سيرتها سيرتها ميه على ميه

السنــآني...

الايامرحبا بك بالنيابه عن هل الملزوم=وارحب بك واحي بك واخلي نارها حيه
الا وعينك اللي يالرشيدي ماتذوق النوم=بعد جاك السناني يعرف الحسنات والسيه

عبدالرحمن خضير..

عسى فيك البقا واهل المعرفه والمعان تدووم=ولاتزين السوالف لين معيه تصلح النيه
ليا هرجك اخوك من الرضاعه قلت له معلوم=لكن الله عطاه الفهم وافكارك خياليه

السناني..

على مقيل يابو زيد لاظالم ولامظلوم=ترى حنا لا يامناكوينا ننجض الكيه
حضرنا حشمة الاجواد ونعرف الشرا والسوم=وفي تالي الزمن قامت تهددنا الشريطيه

عبدالرحمن خضير..

على هونك لاحتى انا عليك نصدر المرسوم=وترجع من ديار حسين لديار السنانيه
عسى ربي يدومك ذخر لبلاد العرب والروم=تقدم حسنتك للمحسنين بكل عصريه

السناني.......

تبي تصبر على ضرب الخناجر ثم فرك خشوم=وتسري ماتابات الاتحت حضن الرشيديه
علينا لاتلوم وانت منا مايجيك اللوم=لو أن الوضع مابين الهواوي والهواويه

عبدالرحمن خضير..

يقولون القمر بين وانا اقول القمر ملقوم=انا وشلون اصدقكم واكذب شوف عينيه
والا ياطير ياللي في سماك من الصقور تحوم=تواردك السهوم ورحت لاهاذي ولاذيه

السنــآني..

صحيح ان القمر واضح في جنبه ثلاث نجوم=نبي نقضي على الديبان ثم نقضي على الحيه
حسبتك صقر لكن شفت عينك مثل عين البوم=سوات اللي تردد صوتها في كل عشويه

عبدالرحمن خضير..

مدامك انك على هلون خذ سيفن ماهو مثلوم=على صدرك يخجك خج والاعمال بالنيه
يابو سنه ترى المفتاح شدك والوضع محسوم=تدور للخراج وكاتمينك كتم حريه

السنـــــــــآني...

يابو متعب هداك الله كليت من البصل والثوم=انا ماني حرامي وانت عشت مع الحراميه

[/QUOTE]

الله الله صح اللسانكـ يابو متعب على هالمحاوره الرائعه

ونتمنى منك المزيد من محاوراتكـ الشيقه ..//

محاوره قويه جمعت شاعرين من فطاحلت الشعر ومعروفين على الساحه الشعريه للامام يا شاعرنا عبدالرحمن خضير

وتقبل تحياتي والسلام

مشكور على هذي المحاوره الرائع والله يعطيك العافيه

إقتباس:

اقتباس من مشاركة سعد الشقل (المشاركة 300899)

الله الله صح اللسانكـ يابو متعب على هالمحاوره الرائعه

ونتمنى منك المزيد من محاوراتكـ الشيقه ..//

حياك الله ياسعد الشقل مرورك شرف الي الاهنت ياذيب

يعطيك العافيه

إقتباس:

اقتباس من مشاركة متعب الخيل (المشاركة 306788)

كيف حالك إن شاء الله دائما بخير ؟ مشكور على مرورك وتقبل تحايتي

إقتباس:

اقتباس من مشاركة متعب الخيل (المشاركة 306788)

كيف حالك إن شاء الله دائما بخير ؟ مشكور على مرورك وتقبل تحايتي