تطمّن ياقصيدي مالك إلاّ العز والنوماس=من أيام النبي والشر ماتسكت مزاميره
تجمّلني مثل صفرا إلى لزّت تجيب الكاس=وانا لك وجه عزٍّ طبّق العزّ بحذافيره
لك الله لا جروحٍ تنزف ولا خاطرٍ منحاس=هذولا مالهم غير الشتيمه باالبلد سيره
هذولا مجدهم زايف هذولا عرقهم دساس=هذولا حوّلوا ضحكة بياض الطرس تكشيره
هذولا لو أقول إن البحور تكذب الغطاس=عطى كلٍ شعيب وضاق جوّه يالله الخيره
سماسرةٍ على روس ألسنتهم فلسفه وافلاس=ياشين المفلس اللي لجّ خلق الله بتنظيره
أنا رغم أنفهم راع البياض المرهف الحساس=وأنا اللي دلّته تسوالها عشرين تبهيره
سقى الله ديرةٍ كانت زمان أقرب من الأنفاس=غدت من ديرةٍ بنفاس لنفاسٍ بلا ديره
سقى الله صرخةٍ غنت صباح وصحّت إلها ناس=على فقدان فردوسٍ تغنينا بااساطيره
سقى الله يوم ذبّينا مراقيبٍ ورى مكناس=وقف سلمان إبن عبدالعزيز ولا وقف غيره
ورحت أصدح بصوتي والزمن خلفي يدقّ أجراس=وأفضفض للتراب اللي يفضفضلي بااساريره
وأطوّل قامتي وأوقف التاريخ راس براس=وأقول إن ماتو أهل المجد ماماتو مداويره
عسى الله مايبارك بالقلم لاراود القرطاس=وهو في داخله حقدٍ دفين وحسدٍ وغيره
تعلّق ياقصيدي بالنجوم وشلّة الخناس=عليها من هل التوحيد (تهليله وتكبيره)
وأنا ذاك الخوي قل يالله الخير ولك النوماس=وإلى خان الخوي بس الخوي قل يالله الخيره

اقتباس من مشاركة نهر الأحزان (المشاركة 24834) تطمّن ياقصيدي مالك إلاّ العز والنوماس=من أيام النبي والشر ماتسكت مزاميره تجمّلني مثل صفرا إلى لزّت تجيب الكاس=وانا لك وجه عزٍّ طبّق العزّ بحذافيره لك الله لا جروحٍ تنزف ولا خاطرٍ منحاس=هذولا مالهم غير الشتيمه باالبلد سيره هذولا مجدهم زايف هذولا عرقهم دساس=هذولا حوّلوا ضحكة بياض الطرس تكشيره هذولا لو أقول إن البحور تكذب الغطاس=عطى كلٍ شعيب وضاق جوّه يالله الخيره سماسرةٍ على روس ألسنتهم فلسفه وافلاس=ياشين المفلس اللي لجّ خلق الله بتنظيره أنا رغم أنفهم راع البياض المرهف الحساس=وأنا اللي دلّته تسوالها عشرين تبهيره سقى الله ديرةٍ كانت زمان أقرب من الأنفاس=غدت من ديرةٍ بنفاس لنفاسٍ بلا ديره سقى الله صرخةٍ غنت صباح وصحّت إلها ناس=على فقدان فردوسٍ تغنينا بااساطيره سقى الله يوم ذبّينا مراقيبٍ ورى مكناس=وقف سلمان إبن عبدالعزيز ولا وقف غيره ورحت أصدح بصوتي والزمن خلفي يدقّ أجراس=وأفضفض للتراب اللي يفضفضلي بااساريره وأطوّل قامتي وأوقف التاريخ راس براس=وأقول إن ماتو أهل المجد ماماتو مداويره عسى الله مايبارك بالقلم لاراود القرطاس=وهو في داخله حقدٍ دفين وحسدٍ وغيره تعلّق ياقصيدي بالنجوم وشلّة الخناس=عليها من هل التوحيد (تهليله وتكبيره) وأنا ذاك الخوي قل يالله الخير ولك النوماس=وإلى خان الخوي بس الخوي قل يالله الخيره شاعر الأندلس ناصر القحطاني