السلام عليكم ورحمة الله وبركاته
اخواني رواد شبكة بني عبس اليكم تنسيق المحاوره التي دارت بين
الشاعرين الشاعر الكبير ناصرخنيفر (العمدة) والشاعر ناصر الشويلعي

العمدة

من ماتثار حي يقمح يانتظر وقت الممات=من مات ماخلص ديونه مايعد من الرجال
ياناصر صويان ياراع الخيول المسرجات=انته وبن عبد العزيز ارقابكم جاها الزوال

ياللي تعزوى لاتعـزوى روح دور للنجـات=الحرب دارت في رحاهـا لاتكثـر بالجـدال
حنا هل الخيل الاصيله والسيوف المرهفـات=وألا انت ماعندك ياغير اللي عليه الحمل مال

نبا نتعزواء وانت راسك تحت مرمـا الراجمـات=حنا تعرفنا قبـل عـام واليـوم ياناصـر تعـال
وين الخيول انت ابدوي بشاتين مع خمس ابقرات=حنا محنيت السوف العلـط فـي وقـت القتـال

ياللي تعزوى وانت فوقك حايمات الحايمات=انا ليا جيتك لاتنظـر للجنـوب وللشمـال
راجع كلامك بالبدايه زين يامـال الغنـات=حنا هل الخيل الاصيله مرويت حدب السلال

حنا تعزوينا وجبنا كتـاف راع الطائـرات=وان قلت ماهذا صحيح انقول بو لاد الحلال
راجعت قولي مالقيت الا العلـوم الثابتـات=وبالك تجاوب طيع شوري قبل تسمع لسوال

وقت السعه صحيح طشيتوا طيور ٍ طايرات=وألا ليا جات الحقايق صابكم مثل الجفـال
فتح عيونك زين وانظر للنجوم الساريـات=عساك يالعمده تميز بالدقاق مـن الجـلال

البارحه غبنا وسويتـم بغيبتنـا سـوات=انته وبو عشر الاسام اللي طلع بتلا الهلال
فتحت عيني مالقيت الا العلوم المرمسـات=اللي تدربيهن علينا من وراء ذيك الجبـال

البارحـه وردت يايـو تركـي علـى نهـر الفـرات=انـا وخالـي يـوم كـل ٍ لـه عمـام ولـه خـوال
هـاذي تواريـخ العـرب واذن بعـدهـا للـصـلات=يالعمده اللي معك بتال وجحشكم بالدحال

ورتهـا لكـن علامـك ماحسبـت المقـبـلات=هوليه ما تحسب حساب الشمس وحساب الظلال
انـا نطيحـك لاتهقـوى بالجبـال النايـفـات=وعلم خويك يحتـزم للجحـش بكـره لامحـال