قبيلة بني رشيد - عبدالله الاشرم × رشيد الزلامي بالمدينه المنوره

السلام عليكم

انقل لكم هذي المحاوره التي اقيمت بالمدينه المنوره

وكان يحيها ..// عبدالله الاشرم وسالم معزي ومحمد بن طمحي ورشيد الزلامي ومحمد بادي المطيري

وانقل لكم طاروق الشاعرين الكبيرين

عبدالله الاشرم ورشيد الزلامي

عبدالله الاشرم

مرحبا بالهجره الي بها قبر الرسول=والصحابه جنب قبر الرسول قبورها
يالزلامي كيف تنزل من اشداد الزلول=استلمها واحد ن نزك من كورها

رشيد الزلامي

البقا يلي ترحب وقول الي تقول= لين تشبع منك بقعا وتسرق سورها
انت ودك تضرب المملكه عرض ن وطول=مير عود والمدينه لا عاد تزورها

عبدلله الاشرم

الجروح الها دوى والقضايا الها حلول=غير عله واحده عقدت دكتورها
قالو ان الجامعه سكرت باب القبول=والمدينه يوم جينا نزود نورها

رشيد الزلامي

يا سلاله عبس وش بك تضيق ابك السبول= صرت تصدم في جبال ن تدن صخورها
بعد حطولك على الباب ممنوع الدخول=شاور العقال عسى يفيدك شورها

عبدالله الاشرم

العرب من فوق راسك يدقون الطبول=وانت راعي لقمة ن سكرت حنجورها
انت ماتجهل هل الجيش متعبت الخيول=وليت وفق واحد ن يعترض بنحورها

رشيد الزلامي

النعش دايم نشوفه على الممتن امحمول=والبلا موجود في برها وبحورها
كلها ماغير هوشه حضارم عند فول=مير ابصبر والعرب مانمس اشعورها

عبدالله الاشرم

قفل الخزنه وضيق مفاتيح القفول=الليالي السود محد ن سلم من جورها
المعارك طاحنه وانت رجال ن زعول=والكتيبه قدم خشمك وقف طابورها

رشيد الزلامي

يارشيدي مايجيب العشا ذيب ن جفول=مقبل ن لك ليلت ن ماتطير اطيورها
ون طردنا زول نلقا بدال الزول زول=والعرب في كل هضبه نشوف اشبورها

عبدالله الاشرم

مانتصر فالمعركه غير رجال الفعول=ابتدت مع دورها وانتهت مع دورها
انت شيخ ن تعرف العلم وتعرف الاصول=جعل نارك يالزلامي تفوح اقدورها