|
محاوره بين محمد بن ردعان وثنيان بن سرور
محمد الردعان يامنتدي عبس لازم نحتزم ونطول الميد.. ..وشلون ما نحتزم والمنتدي باسم القبيلة يامرحبا وانت ياثنيان شوفك عندنا عيد.. ..وان كان ماطابت الليلة نبيها غير ليلة ثنيان الرشيدي يامنتدي عبس مـن بعـد التقينـا بالمواعيـد.. ..نبي نسولف ونـدري بالقصيـرة والطويلـه دام البقا وانت شوفك مثل شوف النور ويزيد.. ..والليله الـي تجيبـك عندنـا ليلـه فضيلـه محمد الردعان الله يحييك وانت بواردي مثـل البواريـد.. ..مير ابذل الجهد ياثنيان والحملـة ثقيلـة الناس تدري بفعل ذياب بن غانم وابو زيد.. ..من عادة الناس يجزون الجميلة في جميلة ثنيان ابواردي وانقل البارود واقطع راهي البيد.. ..وانطح قبيله ومثل مثـل ماتمثـل قبيلـه الدرب قدام يالردعان زيد الكيـل وزيـد.. ..مـا بيننـا يامحمـد للتقينـا مستحيـلـه محمد الردعان اشوفلي نـاس فالدنيـا مصاديـر ومواريـد.. ..ناسـن تمـد الكثيـر ونـاس مدتـه قليـلـة اشملت واجنبت وابديت النوايـا والمقاصيـد.. ..وازعل ليا شفت في حمول الجمل شقران ميلة ثنيان مايصلح ايمان بقلوب البشر من غير توحيد.. ..والي يوحد يـدل الـدرب مايـدور دليلـه لاتبكي الوقـت فرقـا والمـروة فالآواليـد.. ..ماطاح سيف الاصيل ولانكسر ساق الاصيله محمد الردعان كبرت عضود الجمل وان كان قيد يقطع القيد.. ..ياقو حيل الرشيدي والجمـل ياقـو حيلـة في كل الاحوال ماناخذ شهادة زيـد وعبيـد.. ..مايعرف شلون ميقـاف العميـل الا عميلـة ثنيان نبي نمد الحبال ونارد اطوال المواريد.. ..والصبح كل يعبي من نهر دجله صميله يامالقينا من الدنيا وعيد ونـوب تهديـد.. ..ورحنا وجينا ماخفنا من زناد ولافتيلـه محمد الردعان لاتشرح السالفة لين الهبوب تكـف وتهيـد.. ..وان شفت برقن يلوح بعيد عينك لا تخيلـة انت استلمها علي شان ان مشينا نمسك السيد.. ..وان قلت انا عود ياثنيان شيل الحمل شيلـة ثنيان مانرمي السبحه البيضا عل ايدين المقاريد.. ..اطيح بيدين مقـرود ن يقطعهـا بشليلـه عطيتك العلم واخذ العلم ياشيخ القواصيد.. ..وطالت حياتك لوان العود مايجدد مديلـه |
يعطيك العافيه أبوعبدالله محاورة في قمة الأبداع وهم شعراء غنين عن التعريف وتسلم يمينك ولاهنت
|
محمد الردعان يامنتدي عبس لازم نحتزم ونطول الميد.. ..وشلون ما نحتزم والمنتدي باسم القبيلة ثنيان الرشيدي يامنتدي عبس مـن بعـد التقينـا بالمواعيـد.. ..نبي نسولف ونـدري بالقصيـرة والطويلـه ياسلاااااااااااام شعراء قمه فهد المويسه بيض الله وجهك دائمأ مواضيعك قويييييييه |
صح اللسان الشاعرين الكبيرين ثنيان ومحمد الردعان
وبيض الله وجهك على نقل المحاوره الجميله.../// |
محمد الردعان
كبرت عضود الجمل وان كان قيد يقطع القيد.. ..ياقو حيل الرشيدي والجمـل ياقـو حيلـة في كل الاحوال ماناخذ شهادة زيـد وعبيـد.. ..مايعرف شلون ميقـاف العميـل الا عميلـة صح لسان محمد الردعان وصح لسان ثنيان الرشيدي فهد المويسه بيض الله وجهك والله لايهينك على المواضيع الراقيه |
مشكووووووووووووووووووووووووووووووووووووووووووووووو ووووووووووووور
|
يعطيك العافيه أخوي فهد المويسة وتسلم يمينك على النقل وصح اللسنت الشعار ولاهانو ولاهنتم |
الله يعطيك العافيه
|
| الساعة الآن +4: 10:56 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
