قبيلة بني رشيد - تقرير المحاورة الماضيه الاحد 28/10/1427÷ بين / الزلزال , والاجهر

قبيلة بني رشيد (http://ban3abs.com/aa/index.php)

- منتدى المحــــــــــــــاوره (http://ban3abs.com/aa/forumdisplay.php?f=13)

تقرير المحاورة الماضيه الاحد 28/10/1427÷ بين / الزلزال , والاجهر

تقرير المحاورة الماضيه الاحد 28/10/1427÷ بين / الزلزال , والاجهر
ثمار منتديات قبائل بني رشيد
الزلزال

سلام الله عليكم وإحذروا من قوة الزلزال
تراها قوةٍ لا وصلـت الديـرة تدمرهـا
ابا أحذر وابا أنذر وأبا أقول الصحيح يقال
وأبا آحط العرب مابين ماضيها وحاضرها

الاجهر

هلا يا مرحبابك يالمسلـم والحمـل ينشـال
على ضهور الجمال وف البحر تشلع بواخرها
ليامنك نويت العلم عندي والحروب سجـال
تمتع فـي زمانـك والحـوادث لاتباشرهـا

الزلزال

يدوم الك البقا والحمل برك له ثلاث جمال
ولا حملتهـا بحمولهـا حـاول تثورهـا
جهازات الندا ترسل ولاحدِ يسمع الإرسال
مواردها بعيدة وأنته أبخص في مصادرها

الاجهر

تقوله وانت ضيف وفي محل رجال يارجال
سلوم جدودنا في صرحنا الشامخ نسطرها
ليامني عرفتـك ياسنافـي حلهـا حـلال
نعبر كل حجه يا سنافـي مـع معابرهـا

الزلزال

أنا ماقلت حاجـة لكـن الشكـة لهـا مدخـال
لكن أبا أنشدك عن عبس ويش يقول شاعرهـا
أبا أعطيك النصيحة دامك أجهر والدروب طوال
ليـا شكيـت فيهـا صـد عنهـا لاتكبـرهـا

الاجهر

انا ماشك فيهـا والمـراوغ حيلـة الانـذال
عطيتك مافهمتـة منـك وانتـه لاتحدرهـا
نبيك اتصير في الميدان وانته من وراء خيال
تستر والتستر بعض الانفـس مـا يقدرهـا

الزلزال

لا بالله مالحقك الشك لكن ماتعرف تحتـال
يازين الستر لو بعض العرب مالله بساترها
تريح لا توهق نفسك وتبلش وتعطى فـال
تراي أشوفك من البارحة وأنتـه تدورهـا

الاجهر

عليك مخالفة يابـو حمـد لاتقفـل الجـوال
اشوف معاملة تصدر ولا يدرى من يصدرها
هلا بك في مضارب عبس ماهي لعبة الجهال
تواريخ (ن) على وضح النقاء يتعب مسايرها

الزلزال

علامك قمت تضربها مع الغبشة يمين شمال
يبيلك وقت حتى موهبتك آعرف أطورهـا
بقيتي يامضارب عبس وأنت الأعور الدجال
كذا ولاَ كذا تبطي عظـم مانتـه مغيرهـا

الاجهر

بقينا في مضارب عبس والى من ربوعي شال
على السودان والسودان يسعد من يسافرهـا
صحيح ان الدهر مذكور يومنه علينـا مـال
لاكـن الحـرار بقوة الله فـي مواكرهـا

وسلامتك