يـاعيون الي طلـع طلعن ابعيدي = شال روحه وطلق الصقار سـيره
شافله خربن درج مع حرف بيدي = ويوم شرب من الهوا غير مسـيره
طقها حومه مـع الجـو الجليدي = بـاغين عـن ديرة الصقـار ديره
ونحـرف راعيه مـايومه سعيدي = العيـون دمـوعها حـرق نـظيره
صرت انـا مثله على عنق الفريدي = من افراق الزين في كبدي سعيره
لاذكـرت بخـير يايوم الشديدي = يـومن اقشر صـاحبي بعد نشـيره
جاهم العساس في علمن جديدي = قال ابه دارن خلط عشـبه غديـره
مـن لفـى بالعلم جعله مايفيدي = علمهم فـرق عشيرن مـن عشيره
ومالنا جدوى ياغير اوماي الايدي = بـالاشـاره بس والالسن قصيره
ويـوم قفت يمي النظره تعيدي = بين هم وغـبن نظرتها خـطيره
ولاذبحـني واودع همومي تزيدي = لـين عينه هلت ادمـوع ٍ غزيره
تكتم العبره وعيت لاتهيـدي = مـاقدرت تخفي عبايرها الكثيره
عـزتي للـي بهـادنيا وحيـدي = مـالقـا مـن با لشدايد يستشيره
لاطـروشن تجيبله علمن سديدي = ولاصديقن عارفن خاف السـريره
لاكن اطلب من كفل رزق العبيدي = عقب فرقـا البعد يـاتينا بشـيره

عزتـي للـي بهادنيـا وحيـدي=مالقا من بـا لشدايـد يستشيـره
لاطروشن تجيبله علمن سديـدي=ولاصديقن عارفن خاف السريره

يفعل الله ما يشا ه او ما ير يد ي = لا تقو ل الا عسا المكتو ب خيره