سلام مني على الاصحاب وثنيها للاجناب=رديه عقب ماهل السحاب من الرعودي
باكر وعقبه على وضح لها بالجو ضباب ضباب=ان عشت وانتم سلمتو جيت للمر بانعود

الله يحييك ياللي تفتخر في كل هنداب=ارجع سلامك وبين لك من الغاية اردودي
ان غبت عنا بحفظ الله وكل الناس غياب=ونصرت في خدنا نكرمك وفكارك شهودي

ذكرتني وقفت المرقاب يوم ان الهوا هب = الله يرحمك ياعود تحت شهب اللحودي
اليا وقفت قدام وجهي واحتزم لي شرع الباب = ياخذ نقوده ويدخلها ويعطيني نقودي

ان كان حره بقلبك ويل انا جمره ومشهاب = اذكر سليمان ياليته بها الماقف يعودي
اخذ التياسير منا واستر المردود وان عاب = معلوم معلوم ماشوح الجمل مثل العقودي

والله مافيك حالب قي كل محلاب = تقبل مع المقبلين وصدعن راعي الصدودي
ان كان انا شفت شيبي جعله العربان شياب = ومن عاش مامات لابده ذقنه يعودي

طاب حظه وتوفيقه على كل العمل طاب = والطبيب اللي ورا الهقوه اليا جرب يزودي
بعض الرجاجيل رجم مابظله حط مشراب = ومبينين على روس النوابي والسنودي

يابوعبيد رميت ابرميت ماجالها اسباب = ماهي ابرميت عداوه مير حركت الزنودي
تبني شراع الظليمه بس ماولمت الاطناب = هل الكيف تبني شراع بلا حبال ولاعمودي

والله مابيدي بندق ولاجيتك بمشعاب = مير انت قلبك على الشكه عسى ماهو وقودي
ترا كثير النهايم تكتسب قولات وحزاب = ان رفيق المجابل وجتنب درب العنودي

اشره على صاحبي ماني بخمه خمه الداب = اشدراس الجدا واقف وياتيني سنودي
ماني سباب بكبر شيبتي ماني بسباب = الطيب ماله حدود والردا ماله حدودي

وانا كذلك تراني عنبر يفرق بالاطياب = افرق مماش الثعاله وفته ممشا الفهود
وخضع الشرواك لو انه جلح يمي بالانياب = لجل لن خبري بنفسي ماتردا بك اجهودي

يامرشد الناس في شوفاتهم سارح وعزاب = المسعد المسعد اللي في مماشيه امحمودي
هذاك شاري بضاعه ونهزم وهذاك جلاب = ماهي ابشوفاتهم تلتم يالطير الصيودي

احد شرابه قراح واحد من جوف مغراب = وحد سوات العسل وحد كما المر العقودي
وحد كما الصقر يشبع ناقله من كف مخلاب = وحد من السوق يشراله نقوره بالنقوري

المرجله للنشاما بينه والدرب ملهاب = مثل الطواريج تاردفوق راهيت العدودي
ماهوب يلحق بها القاصر ولو هوجس ابمطلاب =السيل ماهوب يطمر فوق طعموس الفوى