ليا صار ما تلقى صديق يصافيك =مالك ومال الناس خلك لحالك
الوقت لازم يزعلك لو يراضيك =لو طاب لك فترة زمن ما صفالك
يا وقت جعل الله يكافي بلاويك =عيشك نكد ونهاية العبد هالك
يا الآدمي لا تأمن الوقت يرميك =ترا محابيل الليال تحبالك
لكن به كنز يعزك ويغنيك =عزك لنفسك فالدهر راس مالك
مشيك خلا عن واحد ما يدانيك =فيها السعادة والفرح طاب فالك
اليا حصل لك رفعة الراس تكفيك =في دنيتك ما تلحق اللي ببالك
والناس لو جنبتها ما تخليك =تطعن ظهرك وتبتسم في قبالك
ويذمك اللي ما يقرب حراويك =وتقصر حباله فاللقى عن حبالك
لو أن بطنه ممتلي من حسانيك =وترعاه كنه واحد من عيالك
قدام خلق الله يغثك ويوذيك = ولو توعده بارض خلا ما بدالك

لكن به كنـز يعـزك ويغنيـك = عزك لنفسك فالدهر راس مالك