أسعد الله اوقاتكم بكل خير
سعدت ان اقدم في هذا الصرح الشامخ ابيات من جديد الشاعر المبدع مخلد عطالله الخياري الرشيدي وبالمناسبة هذا الشاعر البعيد عن الاعلام طلبت منه شخصياُ ان اشارك بجديد ابياته في هذا المنتدى الذي يحوي النخبة من الشعراء الموهوبين والمتذوقين الرائعين

إليكم الابيات وصح لسان شاعرها


ماجذبني بارق الصيف لو يلمع لميع
ماجذبني غير برقٍ ٍ من القبله سرا

الحيا عقبه تجينا نسانيس الربيع
والهبايب ينبنا عن هبايبها ذرا

الدليله ياخذ شوي لكن مايضيع
والغشيم من اول الدرب ينشد مادرا

الحكيم اللي يحط العقل سدٍ ٍ منيع
لا اقبلت تضحك جهل حطّها حدر الثرا

شمعةٍ في راسها نار لابد وتميع
لاتحسب ان كل الايام وعيونك ترا

مالعود الحنظله ظل والغصن الرفيع
لايغرك وردةٍ فيه والغصن اخضرا

يشلع الحر النداوي من الخد الوسيع
دام ماحصل عشى ماتعفى واحترا



مخلد عطالله الخياري الرشيدي