راعي المرسول
 

راكب الي لامشى ياخذ مسارة..مايميل مع الدروب المستميله..
يوم قرر صانعه واصدر قراره..عاهده يغليه في صاله وكيله..
ماحسب شاريه تجديد استماره..اخر الاعوام مطلوب ن مديله..
دافعله كاش ماقاصد ايجاره..معجبه شكله وتمثاله دليله..
ابيض لونه ولاغسل غباره..كن وجهه ذيب يقنب في طويله..
وكن جنبينه مزن فيهن غزاره..وان تقفيته تقل مبسم جميله..
دقت الصدام لاحد الاشاره..والعيون تقول خل ن مع خليله..
لامشى كنه عقيد يقود غاره..اوكما الخيال لاقابل نزيله..
وقفته مثل الكريم بوسط داره..لاعنوله بيض وجيه تجيله..
منوت الي ناوين شوفه دياره..له ثلاث شهور يشكي من رحيله..
دونهم شاف المسافه وانقهاره..والزمان الشين عيى ينحنيله..
جيب لكزس سايقه يقدح شراره..طيب الجدين ممدوح الخصيله..
حر يفنع في مرابيد الحباره..يرتكي والحمل ملزوم ن يشيله..
لازهمته تقل مرسول الوزاره..راسي ن مثل المشاريف الثقيله..
وصل المرسول مصدوق العباره..يم هاك الحي مرسولي تشيله..
عند عودن مكرم ن ناسه وجاره..وقفه ي سعود واقر الي تشيله..
قل ل ابوي اني على راس الزباره..في الحيود السود ماني في نزيله..
واني الصنديد في يوم المغاره..والرماح الحد تعرفني قبيله..
وحب راس ابوي يسعدلي نهاره..ثم قله ي عساني فدوتيله..
وجد حالي وجد من يبغى زياره..في السجون ولا نو حي ن يجيله..
احترى ثم احترى راعي الخفاره..مادرى ان الوقت ضفه في شليله..
واقتنع يوم ارتوى ولع زقاره..وجرها ونات ماتشفي غليله....5

صح بدنك ... حياك الله

صح بدنك .... والتميز متابعتكم . وحياكم الله

صح لسانك ابدعت في وصفك وتفاخرك وتوجدك والنعم بك وبشايبك الله يحفظك له ويحفظه لك ويطول بعماركم على طاعته ويحفظ وطنا وجنوده تقبل مروري