اختفى صوت المشاعر واندثر حلم العيون=وانكسر فانوس عشقي يوم طالت غيبتك!!
انتحر قلبي وهمي صار يصدح باللحون=وانت ماهمك شقاي ومستمر بغلطتك!!
انتحر في ضامري حب وتغشته المنون=وانكسر صوت المرايا وانصدمت بعملتك!!
ماتت انوار الشموع وصرت عايش في سكون=وانهدر دم المحبه من سبايب فعلتك!!
ماتصورتك تصد وتبتعد مهما يكون=ماتذكر كلمتك ((انا بضوي ظلمتك))!!
حالف(ن) ماتنزعج من حبي وتبقى حنون=وتبقى نبراس الفرح وتضمني في جنتك!!
يوم غرتني ظنوني شلتك بوسط الجفون=بس خانتني ظنوني وانقتلت بطعنتك!!
انقتل طفل بحشاي وكنت مااصدق تخون=كيف تقتل طفل ظلم وتفتخر في غدرتك !!
كنت اذوب اليا ذكرتك واصرخ وكلي جنون=انتشي فرحة واغني لا نثرتي ضحكتك!!
كنت حلم في سكون الليل ترتاد الجفون=تعزف انغام المحبه لي وتشعل شمعتك!!
كنت أبي منك المحبه والغلا مابي طعون=وابي رغباتي تلبى لاجل ألبي رغبتك!!
ليش تتغلى حبيبي والهوى كله مجون=ليش تحرمني حنانك وانت عارف قيمتك!!
انتظر غيثك حبيبي وااشفق لذيك المزون=لو يعذبني ضماك أبقى اتحرى غيمتك!!
يختفي صوت المشاعر يندثر حلم العيون=ينكسر فانوس عشقي كان طالت غيبتك!!

صح لسانك قصيدة رائعة يعطيك العافية ووفقك الله