ابن شلحاط
 

رساله مؤثرة/ من الشاعر الكبير مانع بن شلحاط العجمي إلى الشيخ الدكتور فهد بن ناهس بن براك الرشيدي , شيخ قبيلة بني رشيد وأمير مركز مرغان في منطقة حائل, أتمنى أن تصل الرسالة إلى أبو ناهس كماطلب شاعرها والشيخ فهد أهل لذالك ولن يتوانى عن الفزعة للشاعر الكبير مانع بن شلحاط .


رساله إلى فهد بن ناهس


بديت باللي يولج الصبح بالليل
ربن هباته كل عبدن حمدها
ويزود للشاكر مخافه وتبجيل
وعقوبته تعبأ لمنهو جحدها
بأسمه بديت مزخرفات التماثيل
نوادر ٍ تمسكت بي بيدها
وردتها درب السنع والقناديل
الين رفرف في سماها سعدها
ثم رددوها في الدياوين زحيل
قصايدن تفخر بمنهو قصدها
ماهي هروج ملصمقين المواويل
ولادوادي من تنفخ غددها
واليوم يمتها الزحول الحلاحيل
بني رشيد وجاتها في بلدها
وتخص منهم من تربع من الجيل
هو شيخها هو ذخرها هو سندها
شيخن تعزوا به دهات ٍ دواليل
لامن عسرها الوقت ولاضهدها
مقواد عبس وقدوتن للمشاكيل
الله يخلي للقبيله فهدها
فهد بن ناهس لالحق ربعه الميل
ياطى الليالي لين يظهر زبدها
زحلن جنابه للأشاوس مداهيل
قبة الأماجد مايرخي عمدها
من دون أسم (براك) غرام ويشيل
كل الأمور الكايده يعتمدها
عون الرشيدي لاشكا له من الويل
يفز عجل وكبد الأرض يهبدها
الين يصبح كل دربه تساهيل
سوالف ٍ قد له وقدها وقدها
ماهي جداد مورثتها رجاجيل
وفهد تبناها وجدد عهدها
تعرس على فعله بنات ٍ وآراميل
ستر (الرشيديه) ومحزم ولدها
تاج ٍ على روس الظلوس الحلاحيل
تأمن سباع الغاب في ظل أسدها
في ظل جاهه في السنين المقابيل
وفي ظل وجهه عاده أقوى وأدهى
وصاه (ناهس) بالوفاء والآفاعيل
وأدا وصاة الشيخ وأكمل عددها
أستر على الخملات من داجي الليل
وأثقل من قنوف ٍ ترازم رعدها
وأصدق من الأفعال وأكرم من السيل
وأعنف من وحوش ٍ على أول هددها
خذا من (دليم) المسمى تفاصيل
زحين قوم ٍ كل دار هجدها
شيخ ٍ مضى ذكره ابيت ٍ من القيل
من شاعرن ٍ شاف الفعول وشهدها
بيت ٍ تغنو به من الجدي لسهيل
حتى أخصماه أللي بفعله كبدها
(دليم) لاسمعو حساسه هل الخيل
قامت مع البيدا تراخى جهدها *
وهذا حفيده والنساء ماهن بحيل
نقاد دورات الزمن من مددها
ذكره من رجال الحجر للمناهيل
للهاجري للخالدي في رغدها
ألين جاني ذكر من يوفي الكيل
وحطيته براسي وكبدي بردها
عفواً يابو ناهس بداية تراتيل
سلام قيفان كلن حسدها
محسودتن بك في اللقاء والمواصيل
يابختها ساعة تجدك وتجدها
ياسيدي تزبن عليك المراسيل
وأنا مع القيفان ماهي وحدها
دخيل وجهك من حياة الغرابيل
جتك البيوت وجيتك أزحف بعدها
تكفى يابن براك ماعاد بي حيل
كبرت عليّ يالشيخ ثم طال عمدها
والسبل ضاقت بي ولابه محاصيل
وإن مافزعت فنفسي الله قردها
مالي عساه يفداك يمك مداخيل
الأبتكفى الى نهاية عقدها


الشاعر مانع بن شلحاط العجمي

صح الله لسآنه على هـذه القصيده الجزلـه


ويستآهل الشيخ فهد بن ناهس .

/
لآهنت على نقل القصيده ,.

القصيده فيها ابيات مكسره هل صحيح انها لمانع بن شلحاط
ومسمي نفسك عم الشعراء هههههههههه

يهوينك يارويشد

يقول مكسره ابيات ابن شلحاط
ياوليدي ليتك تعلمنا وين الكسر
خلنا نستفيد منك

دامك أنك عم الشعراء وعندك نظر أقر القصيده وأن ما لقيت شي علمنى وأنا اقولك

بسم الله الرحمن الرحيم
بغض النضر فيها بيوت مكسرة او غير ذلك الرجال مدح ابن براك في قصيدة طيبة والهدف يشحذه من المال هذا صلب الموضوع ( جتك البيوت وجيتك ازحف بعدها)؟؟؟؟؟؟ ليش مامدح ابن براك وشاف كيف تكون ردة فعله او ذهب إلى ابن براك وطلب منه المساعدة ومن ثم مدحه وشكره على ما بدر منه 0
هذا يعبر عن رايي الشخصي فقط بدون نقص في حق الشاعر والممدوح بالقصيدة 0
تحياتي للجميع