قبيلة بني رشيد - تمر اليالي والعمر والسنين اجداد

تمر اليالي والعمر والسنين اجداد=وتاخذ وتعطينا وناخذ مكاسبها
يموت الردى والطيب يبقى مع الاجواد=وكلن يعيش مع الحياه اوتجاربها
الاشعار وهبه والمعاني لها نقاد=ولويحفظ الاشعار من كان كاتبها
وانا الي علي من الزمن والسنين اعناد=اشرقبها درب المعزه وغربها
وانا لي على ظهر المطيه عصا وشداد=ذلولي على كل المغازي مدربها
ادوس المخاطر والفتايل براس ازناد=اولع بها نار الشجاعه وشببها
سلامي مثل وبل السحايب على عياد=بروقا تشالع باالمزون وسحايبها
شجاعا مكانه فوق باالعالي المنقاد=وعلى عوده الي يحتزم في مواجبها
عيال العوازم لعتزو تقرب البعاد=رجال الكرم والطيب تعرف مجاذبها
لهم باالمعارك نصر يوم السيوف احداد=رجالا تروع يوم تفتل شواربها
هل الملح والبارود ورمح والجياد=سهوم المنايا ماتعالج مضاربها
بني عبس دايم نصرها للفخر ميعاد=وكل القبايل تفتخر في مناسبها
حزامي نهار الضيق والا بليل اهجاد=تدوس المخاطر لين تصفي مشاربها
اشارك وابارك واليالي عساها اسعاد=تدوم السعاده باالحياه اومواكبها
وختام القصايد عودن ازرق ومسك وكاد=لحفل الشيوخ الي حضرنا لواجبها