قبيلة بني رشيد - الصوت غاب وراعي الصوت ماغاب---ساكن بقلبي بين قدر ومعزه

قصيدة (الصوت غاب وراعي الصوت ما غاب)
للشاعر يوسف بن فليّح الرشيدي

راحت ثلاث سنين والجرح ماطــــاب===جرحن يتل القلب في كل حــزه

قلبــن يحبه عن محبتــه ماتــــــــــاب===حتى بحــلم النوم فزله فـــــــزه

فرقاه هز الروح واهتزت اشنـــــــــاب===مثل الشجر يوم الهبايب تهـــزه

جاهت انا فرقــــــاه في هم واعصــاب===ماكني الا مجاهدن وسط غــزه

ذاب الحشا من عقب فرقا الغضي ذاب===والقلب من فرقاه محدن يخــزه

قفلت انا عقب الغضي كل الابـــــواب=== واخذت انا من شفّة الهجر مزه

الصوت غاب وراعي الصوت ماغاب=== ساكن بقلبي بين قدر ومعـــزه

انشهد اني عقب فرقــاه منصــــــــــاب=== والجرح مابين الحنايا مـــلزه

العشق يا اهل العشق يحسبله حســــاب=== ولا فيه عاشق ماقدر يستفـزه

ويالله ياللــــي للمخاليــــــــق تـــــــواب=== تغفر ذنوب اللي ذنوبه تكـزه