قبيلة بني رشيد - يا بنت بعد الستر صرتي تعرين

يا بنت بعد الستر صرتي تعرين
لاهوب ذا فرض ولا هوب سنـه

لا تلــبسين الثوب العلاق تكفين
أمـــي وأمــــك قبـــلنا مالبسنه

كانــك بتقليد الخواجه تبــاهين
وراك يـوم الحشر نـــــــارٍ وجنه

وان كان ذي موضـه تراكن مساكين
الكــافرات لباسهن تلبسنـه

لبــسٍ عليكــن مثـل لبس المجانين
متقطّـع حتى الظــهر بان منه

الكاســـيات العــاريات (......)
ياويــــلهن مــــن شــي يواجـــهنـّـه

جداتـــنا باقــي صداهـن لهالحين
الكــــم لا منه قصـــر طـــولنـه

لا ما لبسن لبــسة ديانا ونادين
والســاق مثل كلوديا ماكشفنـّـه

ترى الحـلا ماهو بكشف الكراعين
ولا هو بكشف الصـدر ياللي تبنـّـه

ترى الحــلا بالستر بس الستر ويـن
دام اللبــاس الفــــاضح تؤيـدنـّـه

لاشفتهــن بالعرس مثل الشياطين
حتى الشعــر فـوق الاذان جبعنه

ماالــوم انا من عندها نقص بالدين
ألـــــوم زوج خـــيب الله ظـــنه

يمشي وراهــا مثل مشي البعارين
لمطـــارد الموضــه معاها تقنــه

وليــا نصحها قالت اسكت وبعدين
وإن ما سكت في كف يدها تصنه

غصـــبٍ عليه الحب فوق القوانين
لا تحــــترم رايه ولا تخـــاف مــنـّه

الجيب فـــــاضي بعد جمع الملايين
بنــــات حـوا ضاعــــن و ضيعنه