يا سيد المها قلبُ خذيته بدون شعور=تحمل وكل ومل من سيرة الفرقا
جروحه دفينه والغلا داخله مستور=يجاهد جنودك في مداهيلك الحرقا
سبايب غيابك مدهلك غاب عنه النور=حروقه تفاقم منك يالجادل الطرقا
ولا ينفع الراقي ولا ينفع الدكتور=حروق الضماير لا تعالج ولا ترقا
ياليتك تخاف الله بالخاطر المكسور=توهم وجاوب باللحن نايح الورقا
لي أيام ما جفني بحلو الكرى مسرور=أساهر جروحي لين أشوف السماء زرقا
تسريني الذكرى على صاحبي مجبور=وهو عني أبعد من لقاء الغرب للشرقا
أكابر بصمتي والأمل شع بالديجور=تمثل سوات النجم له بالدجا برقا
رسمت أسمك بكبد السماء والغلا منشور=بعشرين نجمه كل مرقالها ترقا
وجاني خيالك يالغضي مع طلوع النور=وشفتك وكل الناس في نومها غرقا
وذا كان شوفك حلم يا جعلني ما جور=بحالً غدت بدراكها سيرة الفرقا

اقتباس من مشاركة الكايد99 (المشاركة 2866853) لـي أيـام مـا جفنـي بحلـو الكـرى مسـرور أساهر جروحي لين أشوف السمـاء زرقـا تسرينـي الـذكـرى عـلـى صاحـبـي مجـبـور وهـو عنـي أبعـد مـن لقـاء الغـرب للشـرقـا أكـابـر بصـمـتـي والأمـــل شـــع بالـديـجـور تـمـثـل ســـوات الـنـجـم لـــه بـالـدجــا بــرقــا الله الله يامنصووووووووووووووور صح السانك مدد بلاعدد قصيده حالمه رقيت مع بيوتها عنان الشوق راائعه وماتم اقتباس راق لي من قلب يسعدلي مساك ولاتحرمنا ابداعك وجديدك يجل اعجاب اخوك كايدهمــــــ

صح بدنك يا أخي كايد

أعجابك شرف لي ومرورك تشرفت به وشكرك

على مرورك وبشر بالجديد أن شاء الله

اقتباس من مشاركة أمـ الشوق ـير (المشاركة 2866858) الله عليك ماشاء الله جزل عداك العيب على هالقصيدة الرائعه <<< بإنتظار جديدك

أمير الشوق تشرفت بمرورك

وإعجابك وسام فخر لي

مشكور على المرور وبشر بالجديد

الشاعر المبدع دائما منصور بن صبح صح لسانك

قصيدة وجدانيه غايه فالروعه والجزاله

مبدع يابن صبح وقصائدك لها صدى خاص يأسر المتذوق ويجعله يتمعن في معانيك الجميله

تقبل مروري

اقتباس من مشاركة عبدالهادي بن صبح (المشاركة 2868641) الشاعر المبدع دائما منصور بن صبح صح لسانك قصيدة وجدانيه غايه فالروعه والجزاله مبدع يابن صبح وقصائدك لها صدى خاص يأسر المتذوق ويجعله يتمعن في معانيك الجميله تقبل مروري

صح بدنك ياشاعرنا المتألق عبدالهادي بن صبح

تشرفت بمرورك وعجابك بالقصيدة بارك الله فيك

تسلم يابو حامد ودمت بخير وسلامه