ياعميان منتب خصم يابن الحلالي=انت اخو لابغيتك ياكريم السبالي=مير يالله سترك من صدوف الليالي=جعل فالامر خير وجعل فالامر خيره
ياعميان تبغى الصدق مانتب خصيم=انت مثل الاخو لامن بدى لازمي
يكفي الهرج والا اقول والله العظيم=ربنا عالم اللي يضمر الادمي

ابيك تعذرني عن الموال يا اخوي،وابلعب معك على الطاروق

انت اخويه وانا باصير معكم رحيم = دام قلبك حبيب وتعرف المسلمي
كان تبغى جنان الخلد خلك كريم = لا تسوي مثل ما يعمل المكرمي

رحمة الله ولارحمة عيال الحريم=ياعميان لاشبت وزاد الرمي
ننصح اللي غوى واليا زعل في جحيم=يالعله بنار جمرها محتمي

نرجم ابليس وابليس المسمى رجيم = والشياطين لا تامن ولا ترحمي
يوم حجيت بيت الله وجيت الحطيم = ما شربتوا وخلق الله تجي زمزمي

يامعلم بعد ماطحت لك في غشيم=مابقى الا تقدي اهل القلوب العمي
من ابان الحمر مشيت لين القصيم=مالقيت بطريقي اللي مشيت سلمي

الكليم النبي موسى ولابه كليم = اكتبوا على القرطاس للحضرمي
يوم مريت يا رجال حي النسيم = مالقينا بها غير الخلا تكرمي