الـمـغـاتـيـر
البـارحـه كنـى على المـوت ملـزوم=ادوس راس النايفـات و حجـرهـا
صار القـدر بيـن الحجاجيـن محتـوم=اللـه مـن عيـنــن تزايـد سهـرهـا
قمـت اجتلـد ما بيـن هايـم ومضيـوم=محدن لفانــي بالعـلــوم وذكـرهـا
قلت افزعـو يالابتـي صـارت علــوم =اقف الحلال لديرتـن مانخبرهـا
قالو معك واللي حصـل شــي مقسـوم=عطنـاالعلـوم بكلمتيـن اختصرهـا
هــي ظــايعـــه ولامتقـفينهــا قــــوم=ابشـر بعـزك كـان ربـي سـترهـا
ناطى على روس الطويـلات ونـزوم=ماهمـنا لـو هـي حــدود نـعبـرهـا
من يوم شفت وجيهـم عــز مرســوم=لاعـل ماهـاك الـوجيـه نخســرهـا
تشاورو والـراي مقضـي ومـحســوم=شـدو مـحـازمهـم وقفــو بـثـرهـا
اقفو كما يقفي مـع الصـوح صــاروم=بعيـونهـم نـارن تقـادح شــررهـا
الكــل منهــم حاربـت عيـنــه النــوم=الله خلق عز الرجال اوضـفرهـا
ربيعي سلايل عبس واهل الفخر دوم=لاهـاجت الهيجـا وكـتـم كـتـرهـا
اهل الوفـا واهـل الكرم سلـم وسلـوم=قبيلـتــن بالـكـون كـلـن ذكـرهـا
حـريبهـم لوهـو مـن التـرك والـروم=يـردون غبـات البحـور وخطرها
اربـع رجـاجيـلـن شغــاميــم وقـروم=مثل النجوم الساطعـات وقمـرهـا
مقبل كمـا حـرن شلـع وادرج الحـوم=اليـا شلع جـول الحباري ذعرهـا
وابـو سعــود سبـيـل النـار وسهــوم=كفــه علـى نـار المعـادي دمرهـا
واحمد مع محمد مـثل بـرق بغيـوم=احفـاد قومـن مثـل وابـل مطـرها
طبـولهـم وادى مــن الغيـث ماسـوم=ما نش سيلـه بالفيـاض وشجـرهـا
قبـل الفجر مـا بـسمـا كثـرة نجـوم=تبـاشـرو فيهــا وزالــو خطـرهـا
عادو وردوها مـن هضـاب ورجـوم=ثـم حـدروهـا لسهل عـن وعرهـا
متـحيـزميـن وبينـهــم ســر مكـتـوم=محـد يتقـفـاهـا ولحد يعســرهـا
صكـوبهـا مـا بيـن جيـلان وحــزوم=مع عثـعثن محد ن يصير بنحرها
ليـن انـهـا طبـت لهــا ثـانـي اليـوم= الشـر زال وزال عنهـا كـدرهـا
مافيهــم اللـى بـالخفــى يلحـقـه لـوم=لا والذي سيله بالارض يعمرها
وصلاة ربي عد ما صامو الصـوم=علـى النبـي واعداد مثمر زهرها
الشاعر غنيمان الرشيدي ابواحمد