قبيلة بني رشيد - شيلة : الناس ماترحم ليا ضاعت الناس 3/>

السلام عليكم ورحمة الله ،

شيلة جديده من كلمات الشاعره : حنان العجمي

إن شآء الله تعجبكم وتنال احساس
وياليت تفيدوني بملاحظاتكم وانتقادكم http://www.5ymah.net/fm/images/smilies/smile.gif
طبعا اللحن مقتبس من احد شيلات ( سعد اليامي )

أترككم مع القصيده والاستماع . .

الناس ما ترحم ليا ضاعت الناس
ما تبّت ايديهم طعون ٍ من الغلّ

حتى انت كانك بي تردّيت لا باس
ما مَلّ صبري وان تماديت ما مِلّ

يا كثر ما يبكي خفوقي من اعماس
كنّه مضيّع له مكان ٍ ولا دلّ

ويا كثر ما يفقد حلاة التنوماس
حتى الفرح ما مرّ صدره ولا حلّ

وياكثر ما بانت خفايا من احساس
لوّك تظللّها عن العين من ذلّ

وياكثر ماصار لحقوقي هنا قياس
يوم الحكي سلاحك ولكْ عذر منشلّ

وا شيب عيني يوم شيّبت بالراس
توّ العمر والكُبر تلويحه /ايطلّ

منت أول اللي حارم الحلم أنفاس
منت آخر اللي بالخَطا دايم يزلّ

أنجاس هالعالم ترى صارت أجناس
ماكلّ من شكله حلو ريحته فلّ

وأنا تعوّدتك مثل دكّة الفاس
دام المواجع ما لها غيري الخلّ

كيف آتعوّذ منْك / وسواس خنّاس
ويراود انفاسي ضميرك ولا كلّ

تبقى اهتماماتي ليا احْتجت حرّاس
تغنيك من نفسك وتغني عن الكلّ

يا كيف انسى والوفا عرق دسّاس
حقيقتي تدري بها لو تغافلّ

حتى ولوّك بي تردّى فلا باس
خلف الضلوع العوج لك دقٍ وجلّ

للحفظ هنا