قبيلة بني رشيد - قصيده إهداء إلى ناجي دوش الرشيدي

قصيده إهداء إلى ناجي دوش الرشيدي
بمناسبة فوزه بمجلس بلدي الحائط

بســم الله أبــدأ ثــم أيــه وســـــوره* ودعـــاء السفر قلته ومرتــاح بــالي
ومشيت قبــل الفــجر يشــق نــوره * في عون مـن ربــي علـــيه اتـــــكالي
ما همني بــعد السفر والـخــــطورة * أهـم شيء حضور حفـــل الرجـــالي
مــن واجــبي حــفل رفيقي لــزوره * لـــونـــــــي بــجده وهــو بالشــمالي
ســـلام يا حـــفل لزمني حضــوره * لأن الحــــفل غــالي وراعــيه غـــالي
فوزك يــفر حـنا وربـعك فخـــوره * مــدو ك بـــالأصــوات أول وتــــــالـي
أغلــى التهاني والفرح مع سروره* نـــزفـها لك يا عــر يب الخـــــــوالـي
مبــروك يـا من نعرفه في سطوره* فــاهــــم ومــــتعلم ورجــل مـــــثالـي
ناجــي أبن دوش أبن ناجي بدوره* يبــي يحـــقق كــل صعب المــــنا لـي
ســطر له التـاريخ كلمه وصــوره* ولا خـــسر مــن حطه رفيق مـوالــي
حـث المــطايا لــين ثــبت عــبوره* بتــوفيـق مـن ربــه عزيز الجــلا لــي
خــاض المعارك بالعقل والمشورة* وللـجــهد والمجـهود شـــد الر حــالي
حتـــى ظهر يــا زين والله ظـهوره* بأحــد المجالس فــاز قـرم العـــيالي
مجـلس بـلـدي والـــديار معـــمورة* وأمــر مـلـك على وزيـر ومــــعالي
استبشري يا المنطقة فــي مــروره * وهــاتوا طلبات الــبلد يـا الأهــــالي
المســألة ما هــــي بلــعبة بـــزوره *هـــــذي أمـانه والأمــانة تــــشــالي
ناجـي ما فـــكرفـي مسلسل وكوره* يعـــيش شـــــيال الحـمول الثــقالي
يــا رب ســهله ويســر أمـــــــوره * برضــاك يا منشي صدوق الخـيالي
وأبــوه يا ناشـد عنـه فـي عصوره* راعــي كــرم و مفــطحات جـــزالي
نفــسه علــى لـم الجماعة غيروه * يعــطي الـرجـال حقوقها ولا يـبـالي
عســـاه فــي جـنات ربــه وحــوره* فــي مــنزل الراضين عند السـؤالي
وصلوا على اللي شع الإسلام نوره* شفـيعـنا الحبيــب يــوم الــــهوالي