انا وين بلقا يالاجاويد فاعل خير=حريص على سر المحبين لرسلته
امنولٍ لو اصبر عام مابان بي التاثير=وهالحين حتى صبر يومين ما احتلته
انا مثل صقار تولع بحب الطير=ولف قلبه افروخ الصواريم وهبلته
تولعت في فرخٍ قضيبٍ يتل السير=ابي لمحةٍ من نضرة الحر واسبلته
صغير بسنه غير عندي ماهوب اصغير=يامغلاه في قلبي وياكبر ما نزلته
اجمع له اسمان الهرج خوفٍ من التقصير=ولا جيت بشرح له كلامي تهيزلته
يجيني منه هيبه معزه سحا... تقدير=اقابله عندي علم واروح ماقلته

سعد بن جدلان