قبيلة بني رشيد - شيلة فمان الله - كلمات مساعد الهذلي

السلام عليكم ورحمة الله . .

شيلة جديده ، تتحدث عن ذكريات الماضي

والاشتياق له

كلمات الشاعر / مساعد بن سعيد الهذلي

أداء / احمد الرشيدي

تصميم / السهم القاتل

فمان الله ياعمرٍ قضيته بين يوم وليل
فمان الله ياعصر الشباب اللي تعداني

فمان الله عشر سنين مرة بين عدل وميل
وأنا مازلت بين أمي وأبوي برفقة أخواني

فمان الله بعد العشر خمس إسنين بتقصيل
بعدها كل شي يمرني ماعاد يخفاني

فمان الله ياوقتٍ مضالي مثل نجم سهيل
على قيس الضروف اللي تداهمني وتنصاني

فمان الله أعقلها وأثنيها وسيد عقيل
وأخذت مع الرجال اللي ملا صدري وكفاني

فمان الله يابرق الحيا اللي سال منه السيل
على دارٍ من أول للظبا والبدوا مسكاني

فمان الله يامحلى الحياه اللي بهاكـ الجيل
فمان الله لين يغيب نجم ويطلع الثاني

فمان الله ياخطٍ كتبته في ذراع الفيل
كتبته في ذراع الفيل وأقفابه ولا جاني

فمان الله ياحبلٍ طويته في ردوف إشعيل
بعير التاجر اللي ماعرفني حيث واتاني

فمان الله لين الغصن يضمر والفروع تميل
ولـو طار الغـراب و وقع الغرنوق ما ابكاني

كلمات الشاعر / مساعد بن سعيد الهذلي

للإستمآع :

http://www.youtube.com/watch?v=jYXus...&feature=feedu

تحياتي لكم