قبيلة بني رشيد

يمكن تبيني بس ما عدت انا ابيك
وردي ذبل في غيبتك و انتظارك

ما عاد يمديني ولا عاد يمديك
الوضع سيء ما اظن يتدارك

خلاص عادي لا تجيني ولا اجيك
خل نفترق مع إحترامي لقرارك

حرام تجرحني و انا احتمي فيك
و اجيك وتمارس علي انتصارك

الله يهديني ف بعدك و يهديك
و يشفيني منك و من مرض إنتشارك

كل عام و انت بخير من قبل اخليك
اخاف ما اقدر ادق ولا ابارك

تقبل الله طاعتك - جرح مغليك -
معذور به - لو ما بديت - إعتذارك

العيد قرّب و انت جتني عياديك
اثريتني إحساس رغم إفتقارك

عايدتني ب غيابك و جيت اهنيك
شكرا على جرحك - و عيدك مبارك -