تعال ياشاعر صعاليك = باعطيك دورة بالادارة

ان كان باقي وقت يمديك = دامك مداوم بالخفارة

مفتاح يا مكثر بلاويك = والذيب يفهم بالاشاره
لاصرت بياع المساويك = ما انت بوريثن للاماره

ياشاعر المبدا يناديك = السم باقي بالعباره

كانك تعرف العيب وش فيك = تشنا المراجل والتجارة

مفتاح ما شاف الشبابيك = مفتوح شباك(ن) بداره
العيب للي يتبع الديك = في خطوته والا مساره

لاني ماخاف امن المماليك = الي يحوفون العماره

ارفع حجاجك قبل يعميك = كان ان في راسك نعاره

فز بحلالك قبل نرميك = يا ذيب ما صّدر قراره
نصيحتن من راس موصيك = تبقى معك في كل حاره

وصيتني وشلون اوصيك = ياحلو ذوقك بالستاره

نصيحتك زينه وموحيك = وانته تكفيك الطهاره